man rapes girl | ముగ్గురు అక్కాచెల్లెళ్లకు లిఫ్ట్‌ ఇచ్చిన వ్యక్తి.. ఇద్దరిని కారులో బంధించి ఒక యువతిపై అత్యాచారం

man rapes girl | ముగ్గురు అక్కాచెల్లెళ్లకు ఒక వ్యక్తి లిఫ్ట్‌ ఇచ్చాడు. ఇద్దరిని కారులో బంధించాడు. ఒక యువతిని నిర్మానుష్య ప్రదేశానికి తీసుకెళ్లి అత్యాచారం చేశాడు. బాధితురాలి చెల్లెళ్లు ఈ విషయాన్ని తమ తల్లికి చెప్పారు. ఈ నేపథ్యంలో ఆమె ఫిర్యాదు చేయడంతో నిందితుడ్ని పోలీసులు అరెస్ట్‌ చేశారు.

లక్నో: ముగ్గురు అక్కాచెల్లెళ్లకు ఒక వ్యక్తి లిఫ్ట్‌ ఇచ్చాడు. ఇద్దరిని కారులో బంధించాడు. ఒక యువతిని నిర్మానుష్య ప్రదేశానికి తీసుకెళ్లి అత్యాచారం చేశాడు. బాధితురాలి చెల్లెళ్లు ఈ విషయాన్ని తమ తల్లికి చెప్పారు. ఈ నేపథ్యంలో ఆమె ఫిర్యాదు చేయడంతో నిందితుడ్ని పోలీసులు అరెస్ట్‌ చేశారు. (man rapes girl) ఉత్తరప్రదేశ్‌లోని బాఘ్‌పత్‌ జిల్లాలో ఈ సంఘటన జరిగింది. ముగ్గురు అక్కాచెల్లెళ్లు ఈద్‌ సంత నుంచి ఇంటికి తిరిగి వెళ్తున్నారు. తెలిసిన వ్యక్తి ఇంటి వద్ద దింపుతానని నమ్మించి వారిని కారులో ఎక్కించుకున్నాడు.

కాగా, కొంత దూరం ప్రయాణించిన తర్వాత ఆ వ్యక్తి కారు ఆపాడు. డోర్‌ లాక్‌ చేసి 12, 6 ఏళ్ల వయస్సున్న ఇద్దరు బాలికలను కారులో బంధించాడు. వారి అక్క అయిన 19 ఏళ్ల యువతిని నిర్మానుష్య ప్రాంతానికి తీసుకెళ్లి అత్యాచారానికి పాల్పడ్డాడు. ఈ విషయాన్ని ఎవరికైనా చెబితే చంపుతానని ఆమెను బెదిరించాడు.

మరోవైపు రెండు రోజుల తర్వాత ఆ యువతి చెల్లెళ్లు జరిగిన విషయాన్ని తమ తల్లికి చెప్పారు. దీంతో వారి తల్లి స్థానిక పోలీస్‌ స్టేషన్‌లో ఫిర్యాదు చేసింది. ఈ నేపథ్యంలో పోలీసులు పలు సెక్షన్ల కింద కేసు నమోదు చేశారు. నిందితుడ్ని దీపక్‌గా గుర్తించి అరెస్ట్‌ చేశారు.

Also Read:

Man Dupes High Court Judge | హైకోర్టు న్యాయమూర్తిని ఆరు లక్షలకు మోసగించిన వ్యక్తి.. అరెస్ట్‌

Man Tries To Open Emergency Door | విమానం ఎమర్జెన్సీ డోర్‌ తెరిచేందుకు వ్యక్తి యత్నం.. తనను దెయ్యం ఆవహించిందని వెల్లడి

woman finds Rs 10 crore in account | బ్యాంకు ఖాతాలో పది కోట్లు.. ఇది చూసి షాకైన మహిళ