viral video | ఫ్లైఓవ‌ర్‌పై త‌ల్లితండ్రుల‌ సైకిల్ స‌వారీకి చిన్నారి సాయం

త‌న త‌ల్లితండ్రుల‌కు ఓ బాలుడు సాయం చేసిన వీడియో (viral video) సోష‌ల్ మీడియాలో ప్ర‌స్తుతం వైర‌ల్‌గా మారింది.

న్యూఢిల్లీ : సంక్లిష్ట స‌మ‌యాల్లో కొన్నిసంద‌ర్భాల్లో పిల్ల‌లు త‌మ త‌ల్లితండ్రుల‌కు భ‌రోసాగా నిలుస్తుంటారు. వారి వ‌య‌సెంతైనా ఎంతో ప‌రిణితితో పేరెంట్స్ క‌ష్ట‌సుఖాల్లో పాలుపంచుకుంటారు. త‌న త‌ల్లితండ్రుల‌కు ఓ బాలుడు సాయం చేసిన వీడియో (viral video) సోష‌ల్ మీడియాలో ప్ర‌స్తుతం వైర‌ల్‌గా మారింది.

ఐఏఎస్ అధికారి అవ‌నీష్ శ‌ర‌ణ్ ట్విట్ట‌ర్‌లో షేర్ చేసిన ఈ వీడియోలో సైకిల్‌పై ఓ కుటుంబం ప్ర‌యాణిస్తున్న వీడియోను బైక్‌పై వెళుతున్న వ్య‌క్తి రికార్డు చేయ‌డం క‌నిపిస్తుంది. ఆపై సైకిల్‌పై త‌న త‌ల్లితండ్రులు కూర్చుని ఫ్లైఓవ‌ర్‌పై వెళుతుండ‌గా బాలుడు సైకిల్‌ను తోస్తుండ‌టం చూడొచ్చు. కొడుకు సైకిల్‌ను తోస్తుండ‌గా భార్య‌తో సైకిల్‌పై వెళుతున్న వ్య‌క్తి చిరున‌వ్వుతో ముందుకు సాగుతుండ‌టం క‌నిపిస్తుంది.

ऐसे ही जीवन भर माता पिता का सहारा बनना.❤️ pic.twitter.com/aIVZkpA3so

— Awanish Sharan 🇮🇳 (@AwanishSharan) April 20, 2023

బాలుడు బాధ్య‌త‌గా సైకిల్‌ను ముందుకు తోయ‌డం నెటిజ‌న్ల‌ను ఆక‌ట్టుకుంది. త‌ల్లితండ్రుల‌కు జీవితాంతం ఇలా బాస‌ట‌గా నిల‌వాల‌ని పోస్ట్‌కు క్యాప్ష‌న్ ఇచ్చారు. ఈ వీడియోను నెట్టింట షేర్ చేసిన‌ప్ప‌టి నుంచి ఇప్ప‌టివ‌ర‌కూ 1.7 ల‌క్ష‌ల మంది వీక్షించారు. బాలుడిపై ప‌లువురు నెటిజ‌న్లు ప్ర‌శంస‌లు గుప్పించ‌గా ఫ్లైఓవ‌ర్‌పై బాలుడు ఇలాంటి టాస్క్‌లు చేయ‌డం త‌గ‌ద‌ని మ‌రికొంద‌రు యూజ‌ర్లు అభిప్రాయ‌ప‌డ్డారు.

Read More

Viral Video | నిజ‌మైన ప్రేమ‌కు నిలువెత్తు నిద‌ర్శనం ఈ వృద్ధ దంప‌తుల వీడియో..