Lesbian Couple | ఈరోజుల్లో గే, లెస్బియన్ కల్చర్ బాగా పెరిగిపోయింది. భారత్లో గే, లెస్బియన్ పెళ్లిళ్లు చట్టబద్ధం కాదు. వేరే దేశాల్లో అవి చట్టబద్ధమే. అయినప్పటికీ.. మన దేశంలో గే కల్చర్.. లెస్బియన్ కల్చర్ రోజురోజుకూ పెరిగిపోతోంది. ఇటీవలే హైదరాబాద్లో గే కపుల్ పెళ్లి చేసుకున్న విషయం తెలిసిందే.
తాజాగా మహారాష్ట్రలోని నాగ్పూర్కు చెందిన లెస్బియన్ కపుల్ త్వరలో పెళ్లి చేసుకోబోతున్నారు. వాళ్ల ఎంగేజ్మెంట్ కూడా జరిగింది. గత వారమే వాళ్ల నిశ్చితార్థం జరగగా.. త్వరలోనే తమ బంధువుల సమక్షంలో గోవాలో పెళ్లి కూడా చేసుకోబోతున్నారు.
ఇద్దరూ డాక్టర్లే. ఒకరు పరోమితా ముఖర్జీ, మరొకరు సుర్బి మిత్రా. మా రిలేషన్షిప్ అనేది లైఫ్టైమ్ కమిట్మెంట్ లాంటిది. మా పెళ్లిని గోవాలో ప్లాన్ చేశాం. 2013 నుంచే నా గురించి మా నాన్నకు తెలుసు. మా అమ్మకు ఇటీవలే చెప్పా. ముందు తను షాక్ అయింది. ఆ తర్వాత తనూ యాక్సెప్ట్ చేసింది. నేను సంతోషంగా ఉండటమే కదా వాళ్లకు కావాల్సింది అంటూ పరోమితా ముఖర్జీ తెలిపింది.
నా ఫ్యామిలీ ఏనాడూ నా రిలేషన్షిప్ గురించి ప్రశ్నించలేదు. నా గురించి చెప్పినప్పుడు వాళ్లు చాలా సంతోషంగా ఫీల్ అయ్యారు. నేను సైకియాట్రిస్ట్ను. నా దగ్గరికి చాలా మంది పేషెంట్లు వస్తుంటారు. వాళ్లు తమ జీవితంలో నిలదొక్కుకోకపోవడానికి ముఖ్య కారణం.. ఏ విషయం మీద స్టాండ్ తీసుకోకపోవడమే.. నా జీవితం విషయంలో మాత్రం నాకు చాలా క్లారిటీ ఉంది.. అంటూ పరోమితా పార్ట్నర్ సుర్భి మిత్రా స్పష్టం చేసింది.