మా కుటుంబాన్ని అంతం చేసేందుకు రూ.600 కోట్ల ‘సుపారీ’

మాజీ సీఎం సిద్ధరామయ్యకు సంబంధించి జరిగినట్ట్టు చెబుతున్న ‘స్టింగ్‌ ఆపరేషన్‌' వివాదం ఇప్పటికే కొనసాగుతుండగా ఈ కొత్త ఆరోపణలు పరిస్థితిని మరింత ఉద్రిక్తంగా మార్చాయి.

• డీకేపై కుమారస్వామి ఆరోపణ

న్యూఢిల్లీ: కర్ణాటక రాజకీయాలు ఒక్కసారిగా వేడెక్కాయి. మాజీ ప్రధాని దేవెగౌడ కుటుంబాన్ని రాజకీయంగా అంతం చేసేందుకు ముఖ్యమంత్రి డీకే శివకుమార్‌ రూ.600 కోట్ల విలువైన సుపారీ(హత్యకు ఒప్పందం) కుదుర్చుకున్నారని కేంద్ర మంత్రి, జనతాదళ్‌(ఎస్‌) నాయకుడు కుమారస్వామి ఆరోపించారు.

మాజీ సీఎం సిద్ధరామయ్యకు సంబంధించి జరిగినట్ట్టు చెబుతున్న ‘స్టింగ్‌ ఆపరేషన్‌’ వివాదం ఇప్పటికే కొనసాగుతుండగా ఈ కొత్త ఆరోపణలు పరిస్థితిని మరింత ఉద్రిక్తంగా మార్చాయి. దేవెగౌడ కుటుంబాన్ని లక్ష్యంగా చేసుకొని జరుగుతున్న పలు కుట్రల వెనుక శివకుమార్‌ ఉన్నారని కుమారస్వామి ఆదివారం ఆరోపించారు. రూ.600 కోట్ల ఒప్పందం కూడా అలాంటి ప్రయత్నాలలో ఒకటని ఆయన అభివర్ణించడంతో ఆయనకు, కర్ణాటక కాంగ్రెస్‌ నాయకత్వానికి మధ్య మాటల యుద్ధం తీవ్రమైంది.