Mercedes hit-and-run: మెర్సిడీజ్ హిట్ అండ్ ర‌న్ కేసు.. కొచ్చి పోలీసు క‌మీష‌న‌ర్ బ‌దిలీ

Mercedes hit-and-run: మెర్సిడీజ్ కారు హిట్ అండ్ ర‌న్ కేసులో ద‌ర్యాప్తు లోపాలు ఉన్న‌ట్లు కేర‌ళ హోంశాఖ పేర్కొన్న‌ది. దీంతో కొచ్చి సిటీ పోలీసు క‌మీష‌న‌ర్ కాళీరాజ్ మ‌హేశ్ కుమార్‌ను బ‌దిలీ చేశారు. ఆ కేసులో మ‌రో న‌లుగురు పోలీసుల్ని స‌స్పెండ్ చేశారు.

కొచ్చి: కేర‌ళ‌లోని కొచ్చి సిటీ పోలీసు క‌మీష‌న‌ర్ కాళిరాజ్ మ‌హేశ్ కుమార్‌ను బ‌దిలీ చేశారు. మ‌రో న‌లుగురు పోలీసుల్ని స‌స్పెండ్ చేశారు. చార‌నల్లూరులో జ‌రిగిన మెర్సిడీజ్ కారు ప్ర‌మాదం(Mercedes hit-and-run)లో ద‌ర్యాప్తు లోపాలు ఉన్న‌ట్లు గుర్తించారు. దీంతో కేర‌ళ స‌ర్కారు కొచ్చి సిటీ క‌మీష‌న‌ర్‌ను బ‌దిలీ చేసింది. జిల్లా అద‌న‌పు జ‌డ్జీకి చెందిన 17 ఏళ్ల కుమారుడు మెర్సిడీజ్ కారును డ్రైవ్ చేస్తూ 55 ఏళ్ల స్కూట‌ర్ రైడ‌ర్‌ను ఢీకొట్టాడు.ఆ ప్ర‌మాదంలో రైడ‌ర్ మృతిచెందాడు. అయితే ఈ కేసు విచార‌ణ‌లో కొచ్చి పోలీసు క‌మీష‌న‌ర్ నిర్ల‌క్ష్యం వ‌హించిన‌ట్లు ప్ర‌భుత్వం పేర్కొన్న‌ది. మ‌హేశ్ కుమార్ స్థానంలో ఆర్ నిషాంతిని నియ‌మించారు. ద‌క్షిణ ప్రాంత ఐజీగా పీ ప్ర‌కాశ్‌ను నియ‌మించారు. రాష్ట్ర హోంశాఖ ఈ ఆదేశాలు జారీ చేసింది.

వీధి వ్యాపారం చేస్తున్న జ‌య‌బాల‌కృష్ణ‌న్ రాత్రి 2.20 నిమిషాల‌కు బైక్‌పై ఇంటికి వెళ్తున్న స‌మ‌యంలో వెనుక నుంచి వ‌చ్చిన మెర్సిడీజ్ ఢీకొట్టింది. తొలుత నిర్ల‌క్ష్యం కేసు బుక్ చేశారు. ఆ త‌ర్వాత ఓవ‌ర్‌స్పీడింగ్ కేసు పెట్టారు. మెర్సిడీజ్ కారు రిజిస్ట్రేష‌న్ టీనేజ‌ర్ తండ్రి పేరుమీద ఉన్న‌ది. టీనేజ‌ర్‌ను జువెనైల్ జ‌స్టిస్ బోర్డు ముందు ప్ర‌జెంట్ చేయ‌గా, అత‌డికి బెయిల్ మంజూరీ చేశారు. ఆ బెయిల్‌ను రద్దు చేయాల‌ని పోలీసులు కోర్టును ఆశ్ర‌యించారు. ప్రాథ‌మిక రిపోర్టు ప్ర‌కారం టీనేజ‌ర్ మ‌ద్యం మ‌త్తులో లేర‌ని రాశారు. అత‌ని ర‌క్త న‌మోనాల‌ను సేక‌రించారు. డీజీపిని హోంమినిస్ట‌ర్ మంద‌లించ‌డంతో.. క్రైం బ్రాంచ్ ఆధారాల‌ను సేక‌రించింది.