2024 Loksabha Elections | యూపీలో విప‌క్ష ఇండియా కూట‌మికి షాక్ : బీజేపీతో ఆర్ఎల్‌డీ పొత్తు ఖ‌రారు

2024 Loksabha Elections : విప‌క్ష ఇండియా కూట‌మికి మ‌రో ఎదురుదెబ్బ త‌గిలింది. 2024 లోక్‌స‌భ ఎన్నిక‌ల్లో యూపీలో బీజేపీతో ఆర్ఎల్‌డీ పొత్తు ఖ‌రారైంది.

2024 Loksabha Elections : విప‌క్ష ఇండియా కూట‌మికి మ‌రో ఎదురుదెబ్బ త‌గిలింది. 2024 లోక్‌స‌భ ఎన్నిక‌ల్లో యూపీలో బీజేపీతో ఆర్ఎల్‌డీ పొత్తు ఖ‌రారైంది. సీట్ల స‌ర్దుబాటు ఒప్పందం ప్ర‌కారం ఆర్ఎల్‌డీ యూపీలో రెండు లోక్‌స‌భ స్ధానాల్లో పోటీ చేస్తుంది. బాఘ్ప‌ట్‌, బిజ్నూర్ స్ధానాల్లో ఆర్ఎల్‌డీ పోటీ చేయ‌నుండ‌గా మ‌రో రాజ్య‌స‌భ సీటు కేటాయిస్తామ‌ని కూడా జ‌యంత్ చౌధురి పార్టీకి బీజేపీ హామీ ఇచ్చింది.

మ‌రో రెండు మూడు రోజుల్లో ఆర్ఎల్‌డీ, బీజేపీ పొత్తుకు సంబంధించి అధికారిక ప్ర‌క‌ట‌న వెలువ‌డింది. యూపీలో ఆర్ఎల్‌డీకి ప‌శ్చిమ యూపీలో గ‌ట్టి ప‌ట్టుంది. ఈ ప్రాంతంలో ప్రాబ‌ల్యం క‌లిగిన జాట్ ఓటుబ్యాంక్‌పై క‌న్నేసిన బీజేపీ ఆర్ఎల్‌డీతో పొత్తుకు మొగ్గుచూపింది.

2019 లోక్‌స‌భ ఎన్నికల్లో యూపీలో 16 స్ధానాల‌ను బీజేపీ కోల్పోగా ఇందులో 7 స్ధానాలు ప‌శ్చిమ యూపీలోనివే కావ‌డం గ‌మ‌నార్హం. మొర‌దాబాద్ డివిజ‌న్‌లో 6 స్ధానాల్లోనూ కాషాయ పార్టీ ప‌రాజ‌యం పాలైంది. యూపీలో ఇండియా విప‌క్ష కూటమిలో సీట్ల స‌ర్ధుబాటులో విభేదాలు త‌లెత్త‌డంతో ఆర్ఎల్‌డీ ఎన్డీయేకు చేరువైంది.

Read More :

Kishan Reddy | అధికారంలోకి వ‌చ్చిన 2 నెల‌ల‌కే కాంగ్రెస్ వ‌సూళ్ల ప‌ర్వం : కిష‌న్ రెడ్డి