Sanjeev Arora: జైలులో సంజీవ్ అరోరా.. లుథియానా వెస్ట్ సీటు కేటాయింపు
Sanjeev Arora: పంజాబ్లో అసెంబ్లీ ఎన్నికలు జరగనున్న నేపథ్యంలో ఆమ్ ఆద్మీ పార్టీ 40 మంది అభ్యర్థులతో కూడిన తొలి జాబితాను రిలీజ్ చేసింది. 100 కోట్ల జీఎస్టీ అక్రమాల కేసులో జైలులో ఉన్న సంజీవ్ అరోరాకు కూడా ఆప్ సీటు కేటాయించింది. లుథియానా వెస్ట్ నుంచి ఆయన పోటీ చేయనున్నారు.
చండీఘడ్: పంజాబ్లో అసెంబ్లీ ఎన్నికలు జరగనున్న నేపథ్యంలో ఆమ్ ఆద్మీ పార్టీ 40 మంది అభ్యర్థులతో కూడిన తొలి జాబితాను రిలీజ్ చేసింది. ధూరి నియోజకవర్గం నుంచి సీఎం భగవంత్ మాన్ పోటీ చేయనున్నారు. పొలిటికల్ అఫైర్స్ కమిటీ మీటింగ్ తర్వాత 40 మంది జాబితాను వెల్లడించారు. మనీల్యాండరింగ్ కేసులో ప్రస్తుతం జైలు జీవితం అనుభవిస్తున్న మంత్రి సంజీవ్ అరోరాను కూడా అభ్యర్థిగా ప్రకటించారు. లుథియానా వెస్ట్ నుంచి ఆయన పోటీ చేయనున్నారు. ప్రస్తుతం గురుగ్రామ్లో ఉన్న బోన్దిసీ జైలులో ఆయన ఉన్నారు. సుమారు 100 కోట్ల మేర జీఎస్టీ లావాదేవీల్లో అవకతవకలకు పాల్పడినట్లు ఆయనపై ఆరోపణలు ఉన్నాయి. ఆ కేసులో ఊరట కల్పించాలని కోరుతూ సంజీవ్ ఆరోరా పెట్టుకున్న బెయిల్ అభ్యర్థనను 15 రోజుల క్రితమే పంజాబ్ కోర్టు తిరస్కరించింది.
సంజీవ్ అరోరా లుథియానాలో 1963, సెప్టెంబర్ 18వ తేదీన జన్మించారు. వ్యాపారవేత్త అయిన ఆయన 2022లో రాజకీయాల్లోకి ఎంట్రీ ఇచ్చారు. ఆమ్ ఆద్మీ పార్టీ ఆయన్ను రాజ్యసభకు నామినేట్ చేసింది. కామర్స్ గ్రాడ్యుయేట్ అయిన ఆయన.. రియల్ ఎస్టేట్, ఫైనాన్స్లోనూ వ్యాపారం కొనసాగించారు.హాంప్టన్ స్కై రియాల్టీ లిమిటెడ్ సంస్థతో ఆయనకు లింకున్నది. లుథియానా వెస్ట్ అసెంబ్లీ ఉప ఎన్నిక కోసం ఆయన తన ఆస్తుల వివరాలను వెల్లడించారు. ఆ అఫిడవిట్లో ఆయన 278 కోట్ల ఆస్తిని చూపించారు. పంజాబ్ అసెంబ్లీలో ఆయనే సంపన్న వ్యక్తిగా ఉన్నారు. ఆయన భార్య ఆస్తులతో కలిపి మొత్తం 302 కోట్లు ఉన్నది.
2022 ఏప్రిల్ నుంచి 2025 జూలై వరకు ఆయన రాజ్యసభలో ఉన్నారు. కృష్ణ ప్రాణ్ బ్రెస్ట్ క్యాన్సర్ ఛారిటీ ట్రస్టును నడిపించారు. అసెంబ్లీ ఉప ఎన్నికలో పోటీ చేసేందుకు 2025 ఫిబ్రవరిలో ఆయన రాజ్యసభకు రాజీనామా చేశారు. ఉప ఎన్నికలో కాంగ్రెస్ నేత భరత్ భూషణ్ను 10 వేల ఓట్ల తేడాతో ఓడించారు. సీఎం భగవంత్ మాన్ కేబినెట్లో సంజీవ్ ఆరోరాకు పరిశ్రమలు, ఎన్ఆరై అఫైర్స్ మంత్రిత్వశాఖలను అప్పగించారు. విద్యుత్తు శాఖను కూడా ఆయనకే ఇచ్చారు. 2026 మే 9వ తేదీన అరోరాను ఈడీ అరెస్టు చేసింది. యాపిల్, శాంసంగ్ మొబైల్ డివైస్లను ఎగుమతి చేసిన కసులో.. సుమారు వంద కోట్ల జీఎస్టీ అక్రమాలు జరిగినట్లు గుర్తించారు. మనీల్యాండరింగ్ చట్టం కింద అరోరాపై ఈడీ కేసు బుక్ చేసింది.
Read Today's Latest National News in Telugu and Telugu News
RELATED ARTICLES
తాజా వార్తలు
Road accident | అదుపుతప్పి డివైడర్ను ఢీకొట్టిన కారు.. ముగ్గురు దుర్మరణం..!
CPI Ramakrishna | ఏపీలో అధికార పార్టీ దౌర్జన్యం.. చంద్రబాబు మూల్యం చెల్లించక తప్పదు : సీపీఐ రామకృష్ణ
‘హరీశ్రావుపై అనుచిత వ్యాఖ్యలు చేస్తే సహించేది లేదు’
Double bedroom homes | నమస్తే తెలంగాణ వెబ్ న్యూస్ ఎఫెక్ట్.. ‘డబుల్’ ఇళ్ల అక్రమ వసూళ్లపై వార్డు ఆఫీసర్ సస్పెన్షన్
Diabetes | డయాబెటిస్ ఉన్నవారు షుగర్ స్థాయిలను తగ్గించుకోవడమే కాదు, వీటిని కూడా గమనించాలి..
ట్రెండింగ్ వార్తలు
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video

