Viral Video | ట్రాఫిక్ పాయింట్ వ‌ద్ద కీచైన్లు అమ్ముకునే బాలుడికి నెటిజ‌న్ల భ‌రోసా

ట్రాఫిక్ సిగ్న‌ల్ వ‌ద్ద కీచైన్లు అమ్ముకునే బాలుడి యోగ‌క్షేమాల ప‌ట్ల సోష‌ల్ మీడియాలో నెటిజ‌న్లు ఆస‌క్తి క‌న‌బ‌రిచారు. ఈ వీడియోను (Viral Video) ఇన్‌స్టాగ్రాంలో సాక్షి అనే అకౌంట్ జూన్ 7న పోస్ట్ చేయ‌గా ఇప్ప‌టివ‌ర‌కూ ఏకంగా 74 ల‌క్ష‌ల మంది వీక్షించారు.

అహ్మ‌దాబాద్ : ట్రాఫిక్ సిగ్న‌ల్ వ‌ద్ద కీచైన్లు అమ్ముకునే బాలుడి యోగ‌క్షేమాల ప‌ట్ల సోష‌ల్ మీడియాలో నెటిజ‌న్లు ఆస‌క్తి క‌న‌బ‌రిచారు. ఈ వీడియోను (Viral Video) ఇన్‌స్టాగ్రాంలో సాక్షి అనే అకౌంట్ జూన్ 7న పోస్ట్ చేయ‌గా ఇప్ప‌టివ‌ర‌కూ ఏకంగా 74 ల‌క్ష‌ల మంది వీక్షించారు. ఈ వీడియోలో గుజ‌రాత్‌లోని ఓ ట్రాఫిక్ సిగ్న‌ల్ వ‌ద్ద బాలుడు కీచైన్లు అమ్ముతూ క‌నిపించాడు.

 

View this post on Instagram

 

A post shared by SakshiJ ☾ | Aesthetic Photography (@sj.artsylens)

సిగ్న‌ల్ వ‌ద్ద ఆగిన ఓ వ్య‌క్తి ఈ వీడియోను రికార్డు చేశారు. ఈ వీడియోలో బాలుడి కుడి కాలికి గాయం కావ‌డం చూడొచ్చు. గాయానికి ఎలాంటి ఇబ్బంది క‌ల‌గ‌కుండా కాలిని క్లాత్‌, ప్లాస్టిక్‌తో క‌వ‌ర్ చేయ‌డం క‌నిపిస్తుంది. ఈ వీడియోతో ప‌లువురు బాలుడి గాయంపై ఆందోళ‌న చెందారు. ఈ బాలుడికి త‌క్ష‌ణ‌మే వైద్య సాయం అందించాల‌ని గాయాన్ని అలా వ‌దిలేస్తే గ్యాంగ్రిన్‌గా మారుతుంద‌ని క‌ల‌త చెందారు.

బాలుడి అడ్ర‌స్‌, కాంటాక్ట్ నెంబ‌ర్ అందిస్తే తాము ఆప‌న్న హ‌స్తం అందిస్తామ‌ని ప‌లువురు నెటిజ‌న్లు ముందుకొచ్చారు. ఈ వీడియో త‌న గుండెను క‌లిచివేసింద‌ని, ప్రేమ‌, ఆప్యాయ‌త‌ల‌ను పొందాల్సిన వ‌య‌సులో ఈ బాలుడు నొప్పితోనే త‌న ప‌నులు చేసుకోవ‌డం కరుడుగ‌ట్టిన జీవిత స‌త్య‌మ‌ని ఓ యూజ‌ర్ రాసుకొచ్చారు.

Read More :

viral video | మ‌ర‌ణించిన భాగ‌స్వామిని వీడేందుకు నిరాక‌రించిన పక్షి..ఆపై ఏమైందంటే..!