IndiGo flight | ఇండిగో విమానానికి బాంబు బెదిరింపు.. పార్కింగ్‌ బే వద్దకు ఫ్లైట్‌

IndiGo flight | ఇండిగో విమానానికి బాంబు బెదిరింపు వచ్చింది. టేకాఫ్‌కు ముందు ఫైట్‌ టాయిలెట్‌లో ఈ బెదరింపు సందేశాన్ని సిబ్బంది గుర్తించారు. ఈ నేపథ్యంలో ఆ విమానం పార్కింగ్‌ బే వద్దకు తిరిగి చేరుకున్నది.

న్యూఢిల్లీ: ఇండిగో విమానానికి బాంబు బెదిరింపు వచ్చింది. టేకాఫ్‌కు ముందు ఫైట్‌ టాయిలెట్‌లో ఈ బెదరింపు సందేశాన్ని సిబ్బంది గుర్తించారు. ఈ నేపథ్యంలో ఆ విమానం పార్కింగ్‌ బే వద్దకు తిరిగి చేరుకున్నది. (IndiGo flight) ఢిల్లీలోని ఇందిరా గాంధీ అంతర్జాతీయ విమానాశ్రయం (ఐజీఐ)లో ఈ సంఘటన జరిగింది. శుక్రవారం మధ్యాహ్నం 3.15 గంటలకు ఇండిగో విమానం 6ఈ 6091, ఢిల్లీ నుంచి చెన్నైకు బయలుదేరాల్సి ఉన్నది. అయితే టేకాఫ్‌కు సిద్ధమవుతున్న సమయంలో ఆ విమానం వెనుక భాగంలోని టాయిలెట్‌లో ఒక ‘హెచ్చరిక’ నోట్‌ లభించింది. ఆ విమానాన్ని చెన్నైకి ప్రయాణం కొనసాగించవద్దని హెచ్చరించినట్లుగా అందులో ఉన్నది.

కాగా, ఈ బెదిరింపు సందేశాన్ని విమాన సిబ్బంది గుర్తించారు. దీంతో సంబంధిత నిబంధనల ప్రకారం
విమానం టేకాఫ్‌ను రద్దు చేశారు. దానిని తిరిగి బేకి తీసుకువచ్చారు. అవసరమైన ప్రామాణిక కార్యాచరణ విధానాన్ని (ఎస్‌వోపీ) పూర్తి చేశారు. ఆ బెదిరింపు నోట్‌ బూటకమని తేలింది. ఈ నేపథ్యంలో సుమారు రెండు గంటలు ఆలస్యంగా శుక్రవారం సాయంత్రం 5 గంటల సమయంలో ఆ విమానం టేకాఫ్‌ అయ్యింది. రాత్రి 7.40 గంటలకు చెన్నై ఎయిర్‌పోర్ట్‌లో అది సురక్షితంగా ల్యాండ్‌ అయ్యిందని ఇండిగో అధికారి తెలిపారు.