800 కోట్లకు ప్రపంచ జనాభా

నవంబర్‌ 15, 2022 (మంగళవారం)నాటికి ప్రపంచ జనాభా 800 కోట్లకు చేరుకోనున్నట్టు ఐక్యరాజ్యసమితి అంచనా వేసింది. ‘వరల్డ్‌ పాపులేషన్‌ ప్రాస్పెక్ట్స్‌-2022’ నివేదికను ఇటీవల యూఎన్‌ విడుదల చేసింది. ఆ నివేదికలో జనాభా పెరుగుదల, ఏయే ప్రాంతాల్లో అత్యధికం, ఈ పెరుగుదల రానున్న రోజుల్లో ఎలా ఉంటుందోనన్న అంశాలు ఉన్నాయి

• వచ్చే ఏడాది నాటికి అత్యధిక
• జనాభా గల దేశంగా భారత్‌

నవంబర్‌ 15, 2022 (మంగళవారం)నాటికి ప్రపంచ జనాభా 800 కోట్లకు చేరుకోనున్నట్టు ఐక్యరాజ్యసమితి అంచనా వేసింది. ‘వరల్డ్‌ పాపులేషన్‌ ప్రాస్పెక్ట్స్‌-2022’ నివేదికను ఇటీవల యూఎన్‌ విడుదల చేసింది. ఆ నివేదికలో జనాభా పెరుగుదల, ఏయే ప్రాంతాల్లో అత్యధికం, ఈ పెరుగుదల రానున్న రోజుల్లో ఎలా ఉంటుందోనన్న అంశాలు ఉన్నాయి.

నివేదికలోని కీలకాంశాలు..15 నవంబర్‌

1. 2022 నాటికి ప్రపంచ జనాభా 800 కోట్లు. ప్రస్తుతం జనాభా అత్యధికంగా పెరుగుతున్న దేశాల్లో భారత్‌ తొలిస్థానంలో ఉన్నది.
2. 2023లో జనాభా పరంగా చైనాను అధిగమించనున్న భారత్‌. తద్వారా ప్రపంచంలోనే అత్యధిక జనాభా
   గల దేశంగా అవతరించే అవకాశం.
3. 2030 నాటికి ప్రపంచ జనాభా 850 కోట్లు. ఈ జనాభా 2050 నాటికి 970 కోట్లకు చేరుకుంటుందని అంచనా.
   అయితే ఈ అంచనాలో సగానికిపైగా పెరుగుదల కేవలం 8 దేశాల్లోనే నమోదవుతుంది. ఆ ఎనిమిది దేశాలు భారత్‌, పాకిస్థాన్‌, కాంగో, ఈజిప్టు, ఇథియోపియా, నైజీరియా, ఫిలిప్పీన్స్‌, టాంజానియా.
4. ప్రపంచ జనాభా 600 కోట్ల నుంచి 700 కోట్లకి చేరుకోవడానికి దాదాపు 12 ఏండ్లు పట్టింది. 700 కోట్ల నుంచి 800 కోట్లకి చేరుకోవడానికి కూడా దాదాపుగా అంతే సమయం పడుతున్నది.
5. 2080 నాటికి ప్రపంచ జనాభా 1,000 కోట్లకు చేరుకొని, 2100 వరకు ఆ స్థాయిలోనే ఉంటుంది.
6. అభివృద్ధి చెందుతున్న దేశాల్లో పని చేసే జనాభా (25 ఏండ్ల నుంచి 64 ఏండ్ల వయసు ఉన్నవాళ్లు) క్రమంగా పెరుగుతున్నది.
7. ప్రస్తుతం ప్రపంచ సగటు ఆయుఃప్రమాణం 72.8 ఏండ్లు. 1990 నుంచి చూసుకుంటే ఆయుర్దాయం 9 ఏండ్లు పెరిగింది.
8. 700 కోట్ల నుంచి 800 కోట్లకి చేరుకోవడంలో సగానికిపైగా (60 కోట్ల మంది) జనాభా ఆసియా దేశాల నుంచే ఉన్నది. మిగిలిన 40 కోట్ల జనాభా ఆఫ్రికా దేశాల నుంచే ఉన్నది.