Watch: లక్షల విలువైన బంగారు హారాన్ని.. షాపులో చోరీ చేసిన మహిళ

ఆ జ్యుయలరీ షోరూమ్‌లోని సీసీటీవీలో ఇదంతా రికార్డైంది. అనంతరం దీనిని గమనించిన సిబ్బంది పోలీసులకు ఫిర్యాదు చేశారు.

లక్నో: లక్షల విలువైన బంగారు హారాన్ని షాపు నుంచి మహిళ చోరీ చేసింది. అక్కడి సీసీటీవీలో రికార్డైన ఈ వీడియో సోషల్‌ మీడియాలో వైరల్‌ అయ్యింది. ఉత్తర ప్రదేశ్‌లోని గోరఖ్‌పూర్‌లో ఈ సంఘటన జరిగింది. ఈ నెల 17న నడి వయస్కురాలైన మహిళ ఒక జ్యుయలరీ షోరూమ్‌కు వచ్చింది. కళ్లకు నల్ల కళ్ల జోడు, ముఖానికి మాస్క్‌ ధరించింది. అక్కడ పలు గోల్డ్‌ నెక్లెస్‌లను ఆమె పరిశీలించింది. ఒక హారం, చెవి రింగులు ఉన్న బాక్స్‌పై మరో హారం ఉన్న బాక్సును ఉంచింది. మెల్లగా కింద ఉన్న బంగారు హారం బాక్సును చీర చెంగులో దాచింది. పైన ఉన్న బాక్స్‌ను సేల్స్‌ వ్యక్తికి ఇచ్చింది. మరో చోట ఉన్న హారాలను చూస్తానంటూ అక్కడి నుంచి లేచి వెళ్లింది. అయితే ఆ మహిళ ఏమీ కొనకుండానే ఆ షాపు నుంచి వెళ్లిపోయింది.

కాగా, ఆ జ్యుయలరీ షోరూమ్‌లోని సీసీటీవీలో ఇదంతా రికార్డైంది. అనంతరం దీనిని గమనించిన సిబ్బంది పోలీసులకు ఫిర్యాదు చేశారు. అయితే గోల్డ్‌ నెక్లెస్‌ను చోరీ చేసిన మహిళ తన కళ్లకు నల్ల కళ్లద్దాలు, ముఖానికి మాస్క్‌ ధరించింది. దీంతో ఆమెను గుర్తించడం పోలీసులకు కష్టంగా మారింది. ఈ చోరీపై కేసు నమోదు చేసి దర్యాప్తు చేస్తున్నారు. మరోవైపు ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

Viral Video | UP Woman's Robbery Caught On Camera, Steals Necklace Worth Lakhs
.
.
.#Viralvideo #UPviral #womanstealnecklace #Viralroberry pic.twitter.com/7BCl2ns9Z9

— Mirror Now (@MirrorNow) November 28, 2022