వైర‌ల్ వీడియో : పాక్ యువ‌తి డ్యాన్స్ పెర్ఫామెన్స్‌ను రీక్రియేట్ చేసిన ముంబై వ్య‌క్తి

ఓ వివాహ వేడుక‌లో పాకిస్తానీ యువ‌తి మేరా దిల్ యే పుకారే ఆజా సాంగ్‌కు వేసిన డ్యాన్స్ ఇటీవ‌ల నెట్టింట వైర‌ల్‌గా మారింది. పాక్ యువ‌తి స్టైలిష్ ఫెర్మామెన్స్‌కు నెటిజ‌న్లు ఫిదా అయ్యారు.

ఇస్లామాబాద్ : ఓ వివాహ వేడుక‌లో పాకిస్తానీ యువ‌తి మేరా దిల్ యే పుకారే ఆజా సాంగ్‌కు వేసిన డ్యాన్స్ ఇటీవ‌ల నెట్టింట వైర‌ల్‌గా మారింది. పాక్ యువ‌తి స్టైలిష్ ఫెర్మామెన్స్‌కు నెటిజ‌న్లు ఫిదా అయ్యారు. ఇప్పుడు ఈ వీడియో ఇన్‌స్పిరేష‌న్‌గా ప‌లువురు ఇన్‌స్టాగ్రాంలో దీన్ని రీక్రియేట్ చేస్తూ రీల్స్‌తో ఇన్‌స్టాగ్రాంను నింపేస్తున్నారు.

 

View this post on Instagram

 

A post shared by @the_arsalaan_khan

తాజాగా ఓ వ్య‌క్తి పాక్ యువ‌తి పెర్ఫామెన్స్‌ను త‌న‌దైన శైలిలో రీక్రియేట్ చేసిన క్లిప్ సోష‌ల్ మీడియాలో వెర‌ల్ అవుతోంది. అర్స‌లాన్ ఖాన్ అనే యూజ‌ర్ ఈ వీడియోను ఇన్‌స్టాగ్రాంలో షేర్ చేశారు. ఈ షార్ట్ క్లిప్‌లో ముంబైకి చెందిన అర్స‌లాన్ ఖాన్ వైర‌ల్ ఫెర్పామెన్స్‌ను రీక్రియేట్ చేస్తూ సంద‌డి చేశాడు.

త‌న‌దైన ఈజ్‌తో పాక్ యువ‌తి ఆయేషాను ప‌ర్‌ఫెక్ట్‌గా అనుక‌రించాడు. ఈ వీడియో ఇప్ప‌టివ‌ర‌కూ ప‌ది ల‌క్ష‌ల‌కు పైగా వ్యూస్‌ను రాబ‌ట్టింది. అర్స‌లాన్ పెర్ఫామెన్స్‌పై నెటిజ‌న్లు ప్ర‌శంస‌లు గుప్పిస్తుండ‌గా కామెంట్స్ సెక్ష‌న్‌లో ఓ యూజ‌ర్ ఏక్ నెంబ‌ర్ అని కితాబిచ్చారు. అద్భుత‌మైన పెర్ఫామెన్స్ అంటూ మ‌రో యూజ‌ర్ ప్ర‌శంసించారు.