Human Egg | మాన‌వ అండాల అక్ర‌మ రవాణా ముఠా గుట్టుర‌ట్టు.. ఈడీ దాడుల్లో భారీగా న‌గ‌దు, ఆస్తులు సీజ్
Human Egg : మాన‌వ అండాలు అక్ర‌మ రవాణా చేస్తున్న ముఠాపై ముంబైకి చెందిన ఎన్‌ఫోర్స్‌మెంట్ డైరెక్ట‌రేట్ (ఈడీ) అధికారులు దాడులు చేశారు. భారీగా న‌గ‌దు, బ్యాంకు లాక‌ర్లు, ఆర్థిక లావాదేవీల‌కు సంబంధించిన ప‌త్రాలు స‌హా కీల‌క ఆధారాల్ని అధికారులు సీజ్ చేశారు.
Human Egg : మాన‌వ అండాలు అక్ర‌మ రవాణా చేస్తున్న ముఠాపై ముంబైకి చెందిన ఎన్‌ఫోర్స్‌మెంట్ డైరెక్ట‌రేట్ (ఈడీ) అధికారులు దాడులు చేశారు. భారీగా న‌గ‌దు, బ్యాంకు లాక‌ర్లు, ఆర్థిక లావాదేవీల‌కు సంబంధించిన ప‌త్రాలు స‌హా కీల‌క ఆధారాల్ని అధికారులు సీజ్ చేశారు. మంజూషా వాంఖెడేకు సంబంధించి ల‌భ్య‌మైన ఆధారాల‌ను బ‌ట్టి మాన‌వ అండాల అక్ర‌మ రవాణా ముఠా గుట్టును ఈడీ ముంబై జోన‌ల్ ఆఫీస్ అధికారులు చేధించారు.
ఈ అక్ర‌మ ర‌వాణాలో మొత్తం 17 మంది ప్ర‌మేయం ఉన్న‌ట్లు గుర్తించారు. దీనిలో భాగంగా అక్టోబ‌ర్ 16 నుంచి ప‌ది వేర్వేరు చోట్ల సోదాలు నిర్వ‌హించారు. థానే, నాసిక్, బ‌రామ‌తితోపాటు ఇత‌ర చోట్ల దాడి చేశారు. థానేలోని బ‌ద్లాపూర్ పోలీస్ స్టేష‌న్‌లో న‌మోదైన ఎఫ్ఐఆర్ ఆధారంగా ఈడీ అధికారులు ఈ కేసును విచారిస్తున్నారు. మ‌నీలాండ‌రింగ్ యాక్ట్ (పీఎంఎల్ఏ)-2002 కింద ఈ కేసు న‌మోదైంది. ప‌లు ఆస్ప‌త్రులు, ఐవీఎఫ్ సెంట‌ర్ల‌లో సోదాలు జ‌రిపారు. నిందితులు, వారి స్థావ‌రాల నుంచి రూ.29 ల‌క్ష‌ల న‌గ‌దు, బ్యాంకు అకౌంట్లు, ఇత‌ర డాక్యుమెంట్లు, డిజిట‌ల్ ప‌రిక‌రాల్ని సీజ్ చేశారు.
ఈ కేసుకు సంబంధించిన వివ‌రాల ప్ర‌కారం.. ఈ నెట్‌వ‌ర్క్ స‌భ్యులు పేద మ‌హిళ‌ల్ని ల‌క్ష్యంగా ఎంచుకుంటున్నారు. వారికి కొంత న‌గ‌దు ఇచ్చి, వారి అండాల‌ను సేక‌రిస్తున్నారు. అనంత‌రం వాటిని ఐవీఎఫ్ సెంట‌ర్లు, అసిస్టెడ్ రిప్రొడ‌క్టివ్ టెక్నాల‌జీ (ఏఆర్‌టీ) బ్యాంకుల‌కు విక్ర‌యిస్తున్నారు. ఇలా చేయ‌డం చ‌ట్ట‌రీత్యా నేరం. అలాగే, త‌ప్పుడు ధృవ‌ప‌త్రాల‌తో డోన‌ర్ల వివ‌రాలు న‌మోదు చేస్తున్నారు. ఒక‌సారి డొనేట్ చేసిన మ‌హిళ‌ల నుంచే వ‌రుస‌గా అండాల్ని సేక‌రిస్తూ, వేరే పేర్ల‌తో విక్ర‌యిస్తున్నారు. ఇప్ప‌టివ‌ర‌కు 40 మందికి పైగా మ‌హిళ‌ల నుంచి ఇలా అండాల్ని సేక‌రించారు.
ఒక్కో సైకిల్‌కు రూ.25,000 నుంచి రూ.30,000 వ‌ర‌కు మ‌హిళ‌ల‌కు అందిస్తున్నారు. అలాగే, అండాలు విడుద‌ల‌య్యేందుకు వారికి హార్మోన‌ల్ ఇంజెక్ష‌న్లు కూడా ఇస్తున్నారు. అనేక రాష్ట్రాల్లో ఈ అక్ర‌మ దందా కొన‌సాగుతున్న‌ట్లు బ‌య‌ట‌ప‌డింది. దీంతో ఈడీ రంగంలోకి దిగి విచార‌ణ జ‌రుపుతోంది.
Read Today's Latest National News in Telugu and Telugu News
- Follow Us :
-
