Viral Video | హైనాల ప‌ట్టుద‌ల ముందు త‌ల‌వంచిన మృగ‌రాజు

బ‌ల‌వంతుడిదే రాజ్య‌మ‌న్న ఆట‌విక సూత్రాన్ని ఐక‌మ‌త్యంతో తుత్తునియ‌లు చేయ‌వ‌చ్చ‌ని హైనాల గ్యాంగ్ (Viral Video) తేట‌తెల్లం చేసింది. సింహం గుప్పిట్లో చిక్కి విల‌విల‌లాడుతున్న హైనాను తోటి జంతువులు కాపాడుకున్న తీరు అంద‌రినీ ఆక‌ట్టుకుంటోంది.

న్యూఢిల్లీ : బ‌ల‌వంతుడిదే రాజ్య‌మ‌న్న ఆట‌విక సూత్రాన్ని ఐక‌మ‌త్యంతో తుత్తునియ‌లు చేయ‌వ‌చ్చ‌ని హైనాల గ్యాంగ్ (Viral Video) తేట‌తెల్లం చేసింది. సింహం గుప్పిట్లో చిక్కి విల‌విల‌లాడుతున్న హైనాను తోటి జంతువులు కాపాడుకున్న తీరు అంద‌రినీ ఆక‌ట్టుకుంటోంది. ద‌క్షిణాఫ్రికాలోని అర‌ధుస స‌ఫారీ లాడ్జిలో జ‌రిగిన ఒళ్లు గ‌గుర్పొడిచే ఈ ఘ‌ట‌న‌ను మ్యాడీ లోవె కెమెరాలో చిత్రీక‌రించారు.

ఆస్ట్రేలియాకు చెందిన‌ మార్గ‌ట్‌, మ్యాడీ లోవె స‌ఫారీని సంద‌ర్శించిన క్ర‌మంలో ఈ ఘ‌ట‌న‌ను రికార్డు చేశారు. ఈ వీడియోలో హైనాల గుంపు ఉన్న ప్ర‌దేశానికి సింహం రావ‌డంతో భ‌య‌ప‌డిన హైనాలు పారిపోగా ఓ హైనాను సింహం వెంటాడి చేజిక్కించుకుంటుంది. హైనాను నోటకరుచుకుని దాడి చేస్తుండ‌గా మిగిలిన హైనాలు సింహం మీద‌కు ఉరికి హైనాను కాపాడేందుకు ప్ర‌య‌త్నిస్తాయి.

పలుమార్లు ప్ర‌యత్నించిన మీద‌ట హైనాను సింహం విడిచిపెట్ట‌డంతో హైనాల గుంపు వెనుదిర‌గ‌డం ఈ క్లిప్‌లో క‌నిపిస్తుంది. ఈ వీడియోను ఇప్ప‌టివ‌ర‌కూ ఏకంగా 20 ల‌క్ష‌ల మందికి పైగా వీక్షించారు. హైనాను కాపాడుకునేందుకు హైనాల గుంపు ప్ర‌ద‌ర్శించిన స‌మ‌న్వ‌యం, పోరాట‌ప‌టిమ‌పై నెటిజ‌న్లు ప్ర‌శంస‌లు గుప్పించారు.

Read More :

Ashok Selvan | సహ నటిని పెళ్లి చేసుకున్న తమిళ హీరో.. ఫోటోలు వైరల్‌..!