Heavy Rainfall | వారం రోజుల‌పాటు వాన‌లు.. తెలంగాణ, ఏపీ స‌హా ఏడు రాష్ట్రాల‌కు భారీ వ‌ర్ష సూచ‌న‌

Heavy Rainfall : తెలంగాణ స‌హా ఏడు రాష్ట్రాల్లో భారీ నుంచి అతిభారీ వ‌ర్షాలు ప‌డే అవ‌కాశాలున్నాయి. ఈ మేర‌కు ఇండియా మెటియోరోలాజిక‌ల్ డిపార్ట్‌మెంట్ (ఐఎండీ) ఆయా రాష్ట్రాల‌కు అల‌ర్ట్ ప్ర‌కటించింది.

Heavy Rainfall : తెలంగాణ స‌హా ఏడు రాష్ట్రాల్లో భారీ నుంచి అతిభారీ వ‌ర్షాలు ప‌డే అవ‌కాశాలున్నాయి. ఈ మేర‌కు ఇండియా మెటియోరోలాజిక‌ల్ డిపార్ట్‌మెంట్ (ఐఎండీ) ఆయా రాష్ట్రాల‌కు అల‌ర్ట్ ప్ర‌కటించింది. ఐఎండీ అంచ‌నా ప్ర‌కారం తెలంగాణ‌తోపాటు ఆంధ్ర‌ప్ర‌దేశ్, చ‌త్తీస్‌గ‌ఢ్, ఒడిశా, మ‌ధ్య‌ప్ర‌దేశ్, ఉత్త‌ర ప్ర‌దేశ్, ఉత్త‌రాఖండ్‌ల‌లో భారీ నుంచి అతిభారీ వ‌ర్షాలు కురుస్తాయి.

వారం రోజుల‌పాటు ఇదే త‌ర‌హా వాతావ‌ర‌ణం ఉండే ఛాన్స్ ఉంది. బంగాళాఖాతో ఈదురుగాలులు, తుపానులు సంభ‌వించే అవ‌కాశం ఉంద‌ని, మ‌త్స్య‌కారులు వేట‌కు వెళ్లొద్ద‌ని ఐఎండీ సూచించింది. ఉత్త‌ర భార‌త దేశానికి సంబంధించి జ‌మ్మూ కాశ్మీర్, ల‌దాక్ ప్రాంతాల్లో సెప్టెంబ‌ర్ 28 వ‌ర‌కు ఉరుములు, మెరుపుల‌తో కూడిన వ‌ర్షాలు కురిసే ఛాన్స్ ఉంది. ఉత్త‌రాఖండ్‌లో కూడా సెప్టెంబ‌ర్ 26-28 వ‌ర‌కు ఇదే త‌ర‌హా ప‌రిస్థితి ఉంటుంది. సెంట్ర‌ల్ ఇండియాకు సంబంధించి సెప్టెంబ‌ర్ 22 నుంచి 27 వ‌ర‌కు మ‌ధ్య‌ప్ర‌దేశ్, విద‌ర్భ‌ల‌లో వ‌ర్షాలు ప‌డుతాయి.

Weather Systems, Forecast and Warnings (Annexure II & III):
Yesterday’s Well-marked Low Pressure area over westcentral & adjoining eastcentral Bay of Bengal intensified into a Depression and lay over Westcentral & adjoining Northwest Bay of Bengal at 1730 hrs IST of today, the… pic.twitter.com/mZnXgaiM5O

— India Meteorological Department (@Indiametdept) September 22, 2026

చ‌త్తీస్‌గ‌ఢ్‌లో సెప్టెంబ‌ర్ 28 వ‌ర‌కు కూడా వ‌ర్షాలు ప‌డుతాయి. ఒడిశా, ఝార్ఖండ్, బిహార్, ప‌శ్చిమ బెంగాల్, సిక్కింల‌లోనూ భారీ వ‌ర్షాలు ప‌డుతాయి. అనేక చోట్ల గంట‌కు 70 కిలోమీట‌ర్ల వేగంతో గాలులు వీస్తాయి. నాగాలాండ్, మ‌ణిపూర్, మిజోరం, త్రిపుర‌, అసోం, మేఘాల‌య‌ల‌లో కూడా వాన‌లు ప‌డుతాయి. ద‌క్షిణ భార‌త దేశానికి సంబంధించి ఏపీ, కేర‌ళ‌, తెలంగాణ‌, క‌ర్ణాట‌క‌ల‌లో భారీ వ‌ర్షాలు కురుస్తాయ‌ని ఐఎండీ తెలిపింది.