Viral Video: మేక వెంట పడిన ప్రభుత్వ ఉద్యోగి.. ఎందుకంటే?

లక్నో: ప్రభుత్వ ఉద్యోగి ఒకరు మేక వెంటపడ్డాడు. దాని నోటిలో ఉన్న ఫైల్‌ కాగితాల కోసం విశ్వ ప్రయత్నం చేశాడు. ఉత్తర ప్రదేశ్‌లోని కాన్పూర్‌లో ఈ ఘటన జరిగింది. స్థానిక బ్లాక్‌ కార్యాలయంలోకి ఒక మేక ప్రవేశించింది. టేబుల్‌పై ఉన్న ఒక ఫైల్‌లోని పత్రాలను నోట కరుచుకుని తినసాగింది. చాలా సేపటి వరకు ఈ విషయాన్ని ఎవరూ గమనించలేదు.

కొంత సేపటి తర్వాత గమనించిన ఒక ప్రభుత్వ ఉద్యోగి ఒకరు ఫైల్‌లోని కాగితాల కోసం ఆ మేక వెంట పడ్డాడు. అయితే అది అందకుండా పరిగెత్తి అతడ్ని పరుగులు పెట్టించింది. చివరకు ఆ ఉద్యోగి మేక నోటిలోని కాగితాలను తిరిగి పొందాడు. అయితే అప్పటికే అది సగం మేర తినేసింది.

ఒక వ్యక్తి ట్విట్టర్‌లో షేర్‌ చేసిన ఈ వీడియో సోషల్‌ మీడియాలో వైరల్‌ అయ్యింది. ప్రభుత్వ ఉద్యోగుల నిర్లక్ష్యంపై నెటిజన్లు మండిపడ్డారు.

ऐसा भी होता हैं।
ब्लॉक ऑफिस : #कानपुर में कर्मचारी बाहर धूप सेंकते रहे, फाइल लेकर भागा बकरा #UttarPradesh #Kanpur #ViralVideo pic.twitter.com/dPaglplIfi

— Urdu Safar (@UrduSafar1) December 2, 2021