Pyare Miyan: మైన‌ర్ అమ్మాయిల రేప్‌.. నిందితుడికి 10 జీవిత‌కాల శిక్ష‌లు

Pyare Miyan: బాలిక‌ల‌ను రేప్ చేసిన కేసులో భోపాల్‌లోని మాజీ న్యూస్‌పేప‌ర్ ఓన‌ర్ ప్యారే మియాకు కోర్టు శిక్ష విధించింది. 10 జీవిత‌కాల శిక్ష‌ల‌ను విధిస్తూ పోక్సో కోర్టు ఆదేశాలు ఇచ్చింది.

భోపాల్‌: మ‌ధ్య‌ప్ర‌దేశ్‌లోని భోపాల్‌కు చెందిన మాజీ న్యూస్‌పేప‌ర్ ఓన‌ర్‌, 70 ఏళ్ల ప్యారే మియా(Pyare Miyan)కు స్థానిక పోక్సో కోర్టు శిక్ష ఖ‌రారు చేసింది. అయిదుగురు మైన‌ర్ అమ్మాయిల‌ను రేప్ చేసిన కేసులో అత‌నికి వేర్వేరుగా 10 జీవిత‌కాల శిక్ష‌ల‌ను విధించింది. అత‌నికి 77.64 ల‌క్ష‌ల జ‌రిమానా కూడా విధించింది. మంగ‌ళ‌వారం ఈ కేసులో తీర్పును వెలువ‌రించారు. పోక్సో, ఐపీసీ చ‌ట్టాల కింద శిక్ష‌ను ఖ‌రారు చేశారు. మ‌ర‌ణించే వ‌ర‌కు ఎనిమిది శిక్ష‌లు, రెండు సార్లు జీవిత ఖైదు శిక్ష‌లు ప‌డ్డాయి. అన్ని శిక్ష‌ల‌ను ఒకేసారి అమ‌లు చేయ‌నున్నారు.

నిందితుడు ప్యారే మియాకు స‌హ‌క‌రించిన రాబియా బీకి 20 ఏళ్ల జైలుశిక్ష విధించారు. 78 ఏళ్ల ప్యారే మియా.. 2014 నుంచి బాలిక‌ల‌ను టార్గెట్ చేస్తున్నారు. నెల‌కు 10వేల జీతం ఇస్తాన‌ని అమ్మాయిల‌ను రిక్రూట్ చేసుకుని, ఆ త‌ర్వాత వారిని లైంగికంగా వేధించేవాడ‌ని, అత్యాచారానికి పాల్ప‌డిన‌ట్లు ప్రాసిక్యూష‌న్ పేర్కొన్న‌ది. రాబియా బీ అత‌నికి అన్ని అంశాల్లో స‌హ‌క‌రించింది. 2020 జూలై 11వ తేదీన ఈ నేరాల గురించి బ‌య‌ట‌కు తెలిసింది.

కౌన్సిలింగ్ సెష‌న్‌లో ప్యారే మియా చేష్ట‌ల గురించి ఓ బాధితురాలు చెప్పింది. బ‌ర్త్‌డే పార్టీకి పిలిచి మ‌ద్యం తాగించార‌ని, ఆ త‌ర్వాత త‌న‌పై ప్యారే మియా లైంగిక దాడి చేసిన‌ట్లు ఆమె పేర్కొన్న‌ది. అనేక మంది మైన‌ర్ అమ్మాయిలు ఇదే త‌ర‌హా ఆరోప‌ణ చేశారు. ప్యారేమియాపై ఆరోప‌ణ‌లు రుజువు కావ‌డంతో అత‌నికి 10 జీవిత‌కాల జైలుశిక్ష‌లు విధించిన‌ట్లు ప్రాసిక్యూట‌న్ పీఎన్ సింగ్ రాజ్‌పుత్ తెలిపారు. ద‌ర్యాప్తు చేప‌ట్టిన పోలీసులు మాజీ న్యూస్‌పేప‌ర్ ఓన‌ర్‌ను అరెస్టు చేశారు.