India – China | ఉగ్రవాదంపై పోరులో భారత్‌కు చైనా మద్దతు.. వాణిజ్యంపైనా చర్చలు..!

India - China : షాంఘై కో-ఆపరేషన్ సమావేశం(SCO)లో భారత ప్రధాని నరేంద్ర మోడీ దౌత్యం ఫలిస్తోంది. ఉగ్రవాదంపై భారత్ చేస్తున్న పోరాటానికి చైనా మద్దతు తెలిపింది. అన్నివిధాలుగా తాము సహకరిస్తామని ఆ దేశ అధ్యక్షుడు జిన్‌పింగ్ (Xi Jinping) ప్రధాని నరేంద్ర మోడీ (Narendra Modi)కి మాటిచ్చారు.

India – China : షాంఘై కో-ఆపరేషన్ సమావేశం(SCO)లో భారత ప్రధాని నరేంద్ర మోడీ దౌత్యం ఫలిస్తోంది. ఉగ్రవాదంపై భారత్ చేస్తున్న పోరాటానికి చైనా మద్దతు తెలిపింది. అన్నివిధాలుగా తాము సహకరిస్తామని ఆ దేశ అధ్యక్షుడు జిన్‌పింగ్ (Xi Jinping) ప్రధాని నరేంద్ర మోడీ (Narendra Modi)కి మాటిచ్చారు. ఈ విషయాన్ని ఆదివారం భారత విదేశాంగ శాఖ వెల్లడించింది. అంతేకాదు రష్యా నుంచి ముడి చమురు కొనడంపై అమెరికా సుంకాలు, ఆంక్షలు విధించిన నేపథ్యంలో ఇరుదేశాల మధ్య వాణిజ్య సంబంధాలను బలోపేతం చేసుకోవాలని మోడీ, జిన్‌పింగ్ భావించారు. సరిహద్దులో శాంతియుత వాతావరణం ఏర్పడే దిశగా కృషి చేసేందుకు ఇరువురు అంగీకరించారు.

ప్రధాని నరేంద్ర మోడీ లేవనెత్తిన ఉగ్రవాదం అంశంపై చర్చ జరిగింది. సీమాంతర ఉగ్రవాదాన్ని తిప్పికొట్టేందకు మనదేశం తీసుకుంటున్న చర్యలను ప్రధాని చాలా క్లుప్తంగా, స్పష్టంగా జిన్‌పింగ్‌కు వివరించారు. టెర్రిరిజం బాధిత దేశాల్లో భారత్, చైనా ఉన్నాయి అని పేర్కొన్న మోడీ చైనా అధ్యక్షుడి మద్దతు కోరారు. అందుకు ఆయన అంగీకరించారు అని మీడియాకు భారత విదేశాంగ కార్యదర్శి విక్రమ్ మిస్రీ (Vikram Misri) తెలిపారు.

Had a fruitful meeting with President Xi Jinping in Tianjin on the sidelines of the SCO Summit. We reviewed the positive momentum in India-China relations since our last meeting in Kazan. We agreed on the importance of maintaining peace and tranquility in border areas and… pic.twitter.com/HBYS5lhe9d

— Narendra Modi (@narendramodi) August 31, 2025

ఏడేళ్ల తర్వాత తొలిసారి చైనాలో పర్యటిస్తున్నారు ప్రధాని మోడీ. అమెరికా ఆంక్షల నేపథ్యంలో భారత్, చైనా సంబంధాలను పటిష్టం చేయడంపై దృష్టిసారించిన మోడీ ఆ దేశ అధ్యక్షుడి జిన్ పింగ్‌తో భేటీ అయ్యారు. ఎస్‌సీఓ సమావేశం మధ్యలో ఇరువురు తమ బృందాలతో కలిసి పలు విషయాలపై చర్చలు జరిపారు. ఉగ్రవాదంపై పోరు, వాణిజ్యం సంబంధాల బలోపేతం, సరిహద్దుల్లో శాంతియుత వాతావరణం నెలకొల్పడం వంటి అంశాలు ప్రధానంగా ప్రస్తావనకు వచ్చినట్టు విదేశాంగ శాఖ వెల్లడించింది.