గెలుపు కోసం చెప్పు దెబ్బలు

ఎన్నికల్లో పోటీచేసే కొందరు అభ్యర్థులు స్వామీజీలు, బాబాల ఆశీర్వాదం తీసుకుంటారు. కానీ మధ్యప్రదేశ్‌లో ఓ కాంగ్రెస్‌ అభ్యర్థి మాత్రం బాబాగా పేర్కొనే ఓ బిచ్చగాడితో అడిగి మరీ చెప్పుతో కొట్టించుకొని అందరినీ ఆశ్చర్యపరిచారు.

స్పెషల్‌ టాస్క్‌ బ్యూరో : ఎన్నికల్లో పోటీచేసే కొందరు అభ్యర్థులు స్వామీజీలు, బాబాల ఆశీర్వాదం తీసుకుంటారు. కానీ మధ్యప్రదేశ్‌లో ఓ కాంగ్రెస్‌ అభ్యర్థి మాత్రం బాబాగా పేర్కొనే ఓ బిచ్చగాడితో అడిగి మరీ చెప్పుతో కొట్టించుకొని అందరినీ ఆశ్చర్యపరిచారు. రాత్లామ్‌ నియోజకవర్గంలో పోటీ చేస్తున్న పారస్‌ తన ప్రత్యర్థి జోరు తట్టుకోలేకపోయినట్టున్నారు. ఎవరు చెప్పారో తెలియదు కానీ బాబాగా చెప్పబడే ఓ బిచ్చగాడి దగ్గరికి వెళ్లి తనను చెప్పుతో కొట్టి ఆశీర్వదించాలని వేడుకున్నారు. అడిగిందే తడవుగా ఆ యాచకుడు తన చెప్పు తీసి పారస్‌ను కొట్టడం.. ఆ తర్వాత అతడు తన చెప్పులను పారవేయడం.. పారస్‌ కొత్త చెప్పులను భక్తిశ్రద్ధలతో బిచ్చగాడికి అందించడం చకచకా జరిగిపోయాయి.