‘బెంగాల్‌ పులి’కి అభినందనలు: సంజయ్‌ రౌత్‌
కోల్‌కతా: పశ్చిమ బెంగాల్‌ అసెంబ్లీ ఎన్నికల కౌంటింగ్‌లో టీఎంసీ ఆధిక్యంలో కొనసాగడం, 200కుపైగా స్థానాల్లో ఆ పార్టీ లీడ్‌లో ఉండటంతో మమతా బెనర్జీకి అభినందనలు వెల్లువెత్తుతున్నాయి. ‘బెంగాల్‌ పులి’కి అభినందనలు అంటూ శివసేన సీనియర్‌ నేత సంజయ్‌ రౌత్‌ ట్వీట్‌ చేశారు. ఓ దీదీ, దీదీ ఓ దీదీ.. అని అభివర్ణించారు.
బెంగాల్‌లో ఎన్నికల ప్రచారం సందర్భంగా మమతా బెనర్జీని ప్రధాని మోదీ ఈ విధంగా ఎద్దేవా చేశారు. ఈ నేపథ్యంలో మమత విజయాన్ని కొనియాడుతూ సంజయ్‌ రౌత్‌, అఖిలేష్‌ యాదవ్‌ తదితర నేతలు ఈ మేరకు మోదీకి కౌంటర్‌ ఇచ్చారు.
మమతా బెనర్జీ స్పష్టమైన సందేశాన్ని పంపారని సంజయ్‌ రౌత్‌ కొనియాడారు. మోడీ, అమిత్ షా అజేయులు కాదని, వారు కూడా ఓడిపోవచ్చని బెంగాల్‌ ఎన్నికల ఫలితాల ద్వారా తెలుస్తున్నదని పేర్కొన్నారు.
Read Today's Latest National News in Telugu and Telugu News
- Follow Us :
-
