Ajay Devgn: ఎఫ్‌డీఏ నోటీసును స‌వాల్ చేస్తూ హైకోర్టుకు అజ‌య్ దేవ‌గ‌న్‌

Ajay Devgn: అజ‌య్ దేవ‌గ‌న్‌.. ముంబై హైకోర్టును ఆశ్ర‌యించారు. ఫుడ్ అండ్ డ్ర‌గ్ అడ్మినిష్ట్రేష‌న్ జారీ చేసిన షోకాజ్ నోటీసును అజ‌య్ దేవ‌గ‌న్ కోర్టులో స‌వాల్ చేశారు. వాణిజ్య ప్ర‌క‌ట‌న ద్వారా పాన మ‌సాలాకు చెందిన విమ‌ల్ ఇలాచీని ప్ర‌మోట్ చేసిన కేసులో ఎఫ్‌డీఏ అజ‌య్ దేవ‌గ‌న్‌కు నోటీసులు ఇచ్చింది.

ముంబై: బాలీవుడ్ హీరో అజ‌య్ దేవ‌గ‌న్‌(Ajay Devgn).. ముంబై హైకోర్టును ఆశ్ర‌యించారు. మ‌హారాష్ట్ర ప్ర‌భుత్వ ఫుడ్ అండ్ డ్ర‌గ్ అడ్మినిష్ట్రేష‌న్ జారీ చేసిన షోకాజ్ నోటీసును అజ‌య్ దేవ‌గ‌న్ కోర్టులో స‌వాల్ చేశారు. వాణిజ్య ప్ర‌క‌ట‌న ద్వారా పాన మ‌సాలాకు చెందిన విమ‌ల్ ఇలాచీని ప్ర‌మోట్ చేసిన కేసులో ఎఫ్‌డీఏ అజ‌య్ దేవ‌గ‌న్‌కు నోటీసులు ఇచ్చింది. అయితే దేవ‌గ‌న్ కోర్టును ఆశ్ర‌యించిన విష‌యాన్ని ఎఫ్‌డీఏ క‌మీష‌న‌ర్ తుకారం ముండే మీడియాకు తెలిపారు. పాన్ మ‌సాలా వాణిజ్య ప్ర‌క‌ట‌నల కేసులో షారూక్ ఖాన్‌, టైగ‌ర్ ఫ్రాఫ్‌ల‌కు కూడా ఎఫ్‌డీఏ నోటీసులు జారీ చేసింది.

అన్ని మీడియా ఫ్లాట్‌ఫామ్‌ల నుంచి యాడ్స్‌ను తొల‌గించాల‌ని ఆ నోటీసుల్లో న‌టుల్ని కోరిన‌ట్లు ప్ర‌భుత్వం చెప్పింది. షోకాజ్ నోటీసులు జారీ చేసి చాలా రోజులే అవుతున్నా.. ఇప్ప‌టి వ‌ర‌కు న‌టులు ఎవ‌రూ స్పందించ‌లేదు. ఈ కేసులో అసిస్టెంట్ క‌మీష‌న‌ర్ వాద‌న‌లు విన్నార‌ని ముండే తెలిపారు. పాన్ మ‌సాలా ఉత్ప‌త్తుల ప్ర‌మోష‌న్ అంశంలో కుదిరిన అన్ని అగ్రిమెంట్ల వివ‌రాల‌ను వెల్ల‌డించాల‌ని ఎఫ్‌డీఏ త‌న నోటీసుల్లో కోరింది. విమ‌ల్ పాన్ మ‌లాసా అనేది స్మోక్‌లెస్ టొబాకో ఉత్ప‌త్తి. దీని త‌యారీ, స్టోరేజీ, ట్రాన్స్‌పోర్టుపై నిషేధం ఉన్న‌ది.