బాలీవుడ్ బ్యూటీ అలియాభట్ ..ఆర్ఆర్ఆర్ సినిమాతో తెలుగు చలన చిత్ర పరిశ్రమకు పరిచయం అవుతున్న విషయం తెలసిందే. చరణ్ సరసన సీత పాత్రలో అలియా కనిపించనుండగా, ఇటీవల ఆమె ఫస్ట్ లుక్ విడుదల చేశారు. ఇది అభిమానులని ఎంతగానో ఆకట్టుకుంది. ఇక సంచలన దర్శకుడు సంజయ్ లీలా భన్సాలీ … అలియా భట్ ప్రధాన పాత్రలో మా ‘గంగూభాయ్ కతియావాడి’అనే సినిమాను రూపొందిస్తున్నారు. ఇప్పటికే విడుదలైన ఈ చిత్ర టీజర్ మంచి రెస్పాన్స్ అందుకుంది.
ముంబైలోని కామాతిపురాలో సెక్స్ వర్కర్ అయిన గంగూభాయ్ కతియావాడి జీవితకథ ఆధారంగా ఈ సినిమాను రూపొందిస్తున్నాడు సంజయ్ లీలా భన్సాలీ. ఈ చిత్రంలో అలియా భట్ వేశ్య పాత్రలో నటిస్తుంది. తాజాగా తెలుగు వర్షెన్కు సంబంధించిన టీజర్ విడుదల చేశారు. ఈ టీజర్ టాలీవుడ్ ప్రేక్షకులని సైతం ఎంతగానో ఆకట్టుకుంటుంది. అలియా హావభావాలకు తగ్గట్టు డబ్బింగ్ చక్కగా చెప్పారు. పలు వివాదాల నడుమ రూపొందుతున్న ఈ సినిమా జూలై 30న ప్రేక్షకుల ముందుకు రానుంది. తాజాగా విడుదలైన టీజర్పై మీరు ఓ లుక్కేయండి.