Doda Terror Attack | ఉగ్రదాడులకు పాల్పడేవారికి దీటుగా బదులిస్తాం : అనురాగ్ ఠాకూర్‌

Doda Terror Attack : జమ్ము కశ్మీర్‌లోని దోడాలో జరిగిన ఉగ్రదాడిలో నలుగురు జవాన్లు మరణించిన ఘటనపై బీజేపీ ఎంపీ అనురాగ్ ఠాకూర్‌ స్పందించారు.

Doda Terror Attack : జమ్ము కశ్మీర్‌లోని దోడాలో జరిగిన ఉగ్రదాడిలో నలుగురు జవాన్లు మరణించిన ఘటనపై బీజేపీ ఎంపీ అనురాగ్ ఠాకూర్‌ స్పందించారు. ఉగ్ర దాడులకు పాల్పడే వారిపై గతంలో కఠిన చర్యలు చేపట్టడం జరిగిందని, ఇప్పుడు కూడా ఉగ్ర మూకను అలాగే అణిచివేస్తామని అన్నారు. జమ్ము కశ్మీర్‌లో కొందరు శాంతిని భగ్నం చేయాలనుకుంటున్నారని చెప్పారు.

కానీ అలాంటి ఘటనలకు మన భద్రతా దళాలు దీటుగా బదులిస్తాయని ఆయన హెచ్చరించారు. కాగా, దోడా జిల్లాలోని దెసా అటవీ ప్రాంతంలో ఉగ్రవాదులు ఉన్నారనే సమాచారంతో భారత సైన్యం, స్థానిక పోలీసులు సోమవారం రాత్రి 7.45 గంటలకు సంయుక్తంగా ఆపరేషన్‌ చేపట్టాయి. ఈ క్రమంలో టెర్రరిస్టులు, భద్రతాసిబ్బందికి మధ్య జరిగిన ఎదురు కాల్పుల్లో నలుగురు ఆర్మీ సిబ్బందితోపాటు పోలీసులు తీవ్రంగా గాయపడ్డారు.

వారిని దవాఖానకు తరలించగా ఆర్మీ అధికారితోపాటు మరో ముగ్గురు జవాన్లు మరణించారని అధికారులు తెలిపారు.రాత్రి 9 గంటల సమయంలో ఎన్‌కౌంటర్‌ ప్రారంభమైందని, భారీ కాల్పులు జరిగాయని ఇండియన్‌ ఆర్మీ ఎక్స్ వేదికగా ప్రకటించింది. 20 నిమిషాలకుపైగా కాల్పులు జరిగాయని పేర్కొంది. గాయపడిన వారిలో పలువురి పరిస్థితి విషమంగా ఉందని వెల్లడించారు. ఆపరేషన్‌ ఇంకా కొనసాగుతున్నదని అధికారులు తెలిపారు. ఈ దాడికి పాల్పడింది తామేనని పాకిస్థాన్‌ ఉగ్రసంస్థ జైషే మహమ్మద్‌కు చెందిన కశ్మీర్‌ టైగర్‌ ప్రకటించింది.

Read More :

Cyber Fraud | బ్యాంక్ సర్వర్ హ్యాక్‌ చేసి రూ. 16.71 కోట్లు కొట్టేశారు