Balbir singh | పంజాబ్‌లో బల్బీర్‌ సింగ్‌ మంత్రిగా ప్రమాణం.. ఆరోగ్య శాఖ కేటాయింపు

Balbir singh | పంజాబ్‌లో కొత్త మంత్రిగా బల్బీర్‌ సింగ్‌ ప్రమాణం స్వీకరించారు. విజయ్‌ సింగ్లా, ఫౌజ్‌ సింగ్‌ సరారీ రాజీనామాతో రెండు ఖాళీలు ఏర్పడ్డాయి. దాంతో బల్బీర్‌ సింగ్‌ను ప్రభుత్వం మంత్రిగా నియమించింది. ఆయనకు ఆరోగ్య శాఖ కేటాయించారు.

Balbir singh | పంజాబ్‌లో బల్బీర్‌ సింగ్‌ మంత్రిగా ప్రమాణం స్వీకరించారు. బల్బీర్‌ సింగ్‌తో గవర్నర్‌ కొంతసేపటి క్రితం ప్రమాణం చేయించారు. అనంతరం ఆయనకు ముఖ్యమంత్రి భతవంత్‌ సింగ్ ఆరోగ్య శాఖను కేటాయించారు. అవినీతి ఆరోపణలపై మంత్రి పదవికి ఫౌజా సింగ్‌ సరారీ రాజీనామా చేశారు. అంతకుముందు కూడా అవినీతి ఆరోపణలతో ఆరోగ్య శాఖ మంత్రి విజయ్‌ సింగ్లాను కూడా మంత్రి పదవి నుంచి ప్రభుత్వం తప్పించింది.

పంజాబ్‌లో ఆప్‌ అధికారంలోకి వచ్చిన 10 నెలల్లోనే ఇద్దరు మంత్రులు రాజీనామా చేయడం విశేషం. డిపార్ట్‌మెంట్‌ టెండర్లలో కమీషన్లు తీసుకున్నారని డాక్టర్‌ విజయ్‌ సింగ్లాపై ఆరోపణలు వెల్లువెత్తడంతో ఆయన రాజీనామా చేయాల్సివచ్చింది. అదేవిధంగా తన పీఏతో అవినీతిపై మాట్లాడుతున్న వీడియో ఒకటి సోషల్‌ మీడియాలో వైరల్‌ కావడంతో ఫౌజ్‌ సింగ్‌ సరారీ ఇవాళ రాజీనామా చేశారు. రెండు మంత్రి పదవులు ఖాళీ అవడంతో బల్బీర్‌సింగ్‌ను మంత్రిగా తీసుకుని ఆయనకు ఆరోగ్య శాఖను అప్పగించారు. చేతన్‌సింగ్‌ నుంచి ఆరోగ్య శాఖను, హర్జోత్‌ బెయిన్స్‌ నుంచి జైళ్ల శాఖను ఉపసంహరించారు.