కర్ణాటక ఉద్యోగులకు 27.5% ఫిట్‌మెంట్‌

కర్ణాటక ప్రభుత్వ ఉద్యోగులకు వేతనాలు పెంచుతున్నట్టు ముఖ్యమంత్రి సిద్ధరామయ్య మంగళవారం ప్రకటించారు. వేతన పెంపు ఆగస్టు 1 నుంచి అమలులోకి వస్తుందని తెలిపారు.

బెంగళూరు, జూలై 16: కర్ణాటక ప్రభుత్వ ఉద్యోగులకు వేతనాలు పెంచుతున్నట్టు ముఖ్యమంత్రి సిద్ధరామయ్య మంగళవారం ప్రకటించారు. వేతన పెంపు ఆగస్టు 1 నుంచి అమలులోకి వస్తుందని తెలిపారు.

వేతనాలు పెంచకపోతే ఆగస్టులో నిరవధిక సమ్మెకు దిగుతామని కర్ణాటక రాష్ట్ర ప్రభుత్వ ఉద్యోగుల సంఘం ప్రకటించిన నేపథ్యంలో సిద్ధరామయ్య ప్రభుత్వంపై ఒత్తిడి పెరిగింది.

దీంతో 7వ వేతన సవరణ కమిషన్‌ సిఫార్సు మేరకు 2022 జూలై 1 నాటికి ఉద్యోగులు అందుకున్న బేసిక్‌పై 27.5 శాతం ఫిట్‌మెంట్‌ను ప్రభుత్వం ప్రకటించింది. డీఏను 31 శాతం, హెచ్‌ఆర్‌ఏను 32 శాతం పెంచింది.