Sabeer Bhatia | 175 కోట్లతో పూర్తయ్యే దానికి 11 వేల కోట్లా?.. ఆధార్‌ ప్రాజెక్టుపై సబీర్‌ భాటియా విమర్శ

దేశంలో నివసిస్తున్న పౌరులందరికీ విశిష్ట గుర్తింపు నంబర్‌ (యూఐడీ) జారీ కోసం చేపట్టిన ‘ఆధార్‌' ప్రాజెక్టుకు ప్రభుత్వం అనవసరంగా భారీ మొత్తాన్ని ఖర్చు చేసిందని ‘హాట్‌మెయిల్‌' సహ వ్యవస్థాపకుడు సబీర్‌ భాటియా విమర్శించారు.

• ‘ఆధార్‌’ ప్రాజెక్టుపై ‘హాట్‌మెయిల్‌’ సహ వ్యవస్థాపకుడు భాటియా

Sabeer Bhatia | న్యూఢిల్లీ, ఫిబ్రవరి 10: దేశంలో నివసిస్తున్న పౌరులందరికీ విశిష్ట గుర్తింపు నంబర్‌ (యూఐడీ) జారీ కోసం చేపట్టిన ‘ఆధార్‌’ ప్రాజెక్టుకు ప్రభుత్వం అనవసరంగా భారీ మొత్తాన్ని ఖర్చు చేసిందని ‘హాట్‌మెయిల్‌’ సహ వ్యవస్థాపకుడు సబీర్‌ భాటియా విమర్శించారు. కేవలం రూ.175.16 కోట్లతో పూర్తయ్యే ఈ పని కోసం ఏకంగా రూ.11,385 కోట్లు వెచ్చించిందని పేర్కొన్నారు.

ప్రఖర్‌ గుప్తా నిర్వహించిన ‘ప్రఖర్‌ కే ప్రవచన్‌’ టాక్‌షోలో ఆయన ఈ వ్యాఖ్యలు చేశారు. ‘ఆధార్‌’ ప్రాజెక్టును చేపట్టిన వ్యక్తి సాంకేతిక నిపుణుడు కాదని, ఆయనకు సాంకేతికత గురించి తెలియదని అన్నారు.