ఒకే రకమైన మీల్స్‌తో బరువు తగ్గొచ్చు!

సరళమైన, క్రమబద్ధమైన ఆహారపు అలవాట్ల ప్రాముఖ్యాన్ని పరిశోధకులు శాస్త్రీయంగా కనుగొన్నారు. ప్రతిరోజూ ఒకే రకమైన భోజనం చేయటమన్నది..వేగంగా బరువు తగ్గడానికి సహాయపడొచ్చని పరిశోధకులు గుర్తించారు.

• తాజా అధ్యయనంలో వెల్లడి

న్యూఢిల్లీ: సరళమైన, క్రమబద్ధమైన ఆహారపు అలవాట్ల ప్రాముఖ్యాన్ని పరిశోధకులు శాస్త్రీయంగా కనుగొన్నారు. ప్రతిరోజూ ఒకే రకమైన భోజనం చేయటమన్నది..వేగంగా బరువు తగ్గడానికి సహాయపడొచ్చని పరిశోధకులు గుర్తించారు.

‘హెల్త్‌ సైకాలజీ’ జర్నల్‌ కథనం ప్రకారం, సాధారణ ఆహారపు అలవాట్లు డైటింగ్‌ను ఎలా సులభతరం చేయగలదో ఈ అధ్యయనం తెలియజేసింది. ఒరేగాన్‌ (అమెరికా) రీసెర్చ్‌ ఇనిస్టిట్యూట్‌ పరిశోధకులు 12 వారాల్లో బరువు తగ్గే కార్యక్రమాన్ని నిర్వహించారు. దీంట్లో పాల్గొన్న 112 మందికి ఉన్న అధిక బరువు, ఊబకాయాన్ని విశ్లేషించారు.

వీళ్లంతా ఒక మొబైల్‌ యాప్‌ ద్వారా తాము రోజూ తీసుకుంటున్న ఆహారాన్ని, బరువును నిరంతరం రికార్డ్‌ చేశారు. ఇలా 12 వారాలు గడిచిన తర్వాత వారి గణాంకాల్ని పరిశోధకులు విశ్లేషించారు. స్థిరమైన ఆహార అలవాట్లను పాటించినవారు 5.9 శాతం బరువు తగ్గగా, రకరకాల ఆహారాలు తీసుకున్నవారు 4.3 శాతం బరువును కోల్పోయారు.