Visit:
నల్లగొండ, నవంబర్‌-29 : 2009, నవంబర్‌ 29 చరిత్ర లో ఏ తెలంగాణ బిడ్డా మర్చిపోలేని దినమని, ఆ రోజు కేసీఆర్‌ చేపట్టిన దీక్ష వల్లే తెలంగాణ రాష్ట సాధన సాధ్యమైందని…లేకుంటే ఇప్పటికీ ఆంధ్ర పాలకుల చేతిలో దగాపడే వాళ్లమని బీఆర్‌ఎస్‌ నేతలు అన్నారు. నాడు కేసీఆర్‌ తన ప్రాణాలను సైతం లెక్కచేయకుండా దీక్ష చేయటంవల్లే డిసెంబర్‌-9న కేంద్రమంత్రి చిదంబరం ప్రకటన వస్తే.. ఆంధ్రోళ్ల కుట్రతో కేంద్రం మళ్లీ యూటర్న్‌ తీసుకున్నదన్నారు. అయితే మళ్లీ బీఆర్‌ఎస్‌ ఆధ్వర్యంలో చేసిన పోరా టం వల్ల తెలంగాణ ఇవ్వక తప్పలేదన్నారు. దీక్షా దివస్‌ను పురస్కరించుకోని శనివారం జిల్లా కేంద్రంలో బీఆర్‌ఎస్‌ ఆధ్వర్యంలో ఏర్పాటు చేసిన కార్యక్రమంలో జిల్లా వ్యాప్తం గా పెద్ద ఎత్తున కార్యకర్తలు పాల్గొన్నారు. కార్యక్రమానికి పార్టీ జిల్లా అధ్యక్షుడు, దేవరకొండ మాజీ శాసన సభ్యుడు రమావత్‌ రవీంద్ర కుమార్‌ అధ్యక్షత వహించగా మాజీ జడ్పీ చైర్మన్‌ బండా నరేందర్‌ రెడ్డితో పాటు మాజీ శాసన సభ్యులు పాల్గొన్నారు. ఈ సందర్భంగా బండా నరేందర్‌ రెడ్డి మాట్లాడుతూ 2009, నవంబర్‌-29న కేసీఆర్‌ చేసిన దీక్ష చారిత్రాత్మకమైనదని…దాన్ని ఏ తెలంగాణ బిడ్డ మర్చిపోలేడన్నారు. హైదరాబాద్‌ను ఫ్రీ జోన్‌గా నాటి పాలకులు ప్రకటించటంతో కేసీఆర్‌ దీక్షకు దిగాల్సి వచ్చిందన్నారు. కేసీఆర్‌ దీక్షకు కేంద్రం దిగి వచ్చి డిసెంబర్‌-9న ప్రకటన చేసినట్లు తెలిపారు. సాధించుకున్న తెలంగాణను కేసీఆర్‌ తన పదేండ్లలో ఎంతో అభివృద్ధి చేస్తే, ప్రస్తుత కాంగ్రెస్‌ సర్కార్‌ రెండేండ్లలో నాశనం చేసిందని విమర్శించారు.
ఉద్యమంలో చూపిన తెగువను మరోసారి చూపి బీఆర్‌ఎస్‌ను మరోసారి అధికారంలోకి తేవాలని సీనియర్‌ నేత, ఉద్యమకారుడు చెరుకు సుధాకర్‌, మాజీ కార్పొరేషన్‌ చైర్మన్లు పల్లె రవికుమార్‌, రాంచంద్ర నాయక్‌ పేర్కొన్నాన్నారు. బీఆర్‌ఎస్‌ను ప్రజల నుంచి దూరం చేసేందుకు అన్ని పార్టీలు ఏకమయ్యాయని…ఎవరెన్ని కుట్రలు చేసి నా కేసీఆర్‌ను, బీఆర్‌ఎస్‌ను ప్రజలు దూరం చేసుకోలేరన్నారు. మీడియా సంస్థలు సైతం నేడు పనిగట్టుకొని బీఆర్‌ఎస్‌పై బురద జల్లుతున్నాయన్నారు. కార్యక్రమంలో శరణ్యారెడ్డి, కటికం సత్తయ్య గౌడ్‌, నిరంజన్‌ వలీ, కడారి అంజయ్య, అలుగుబెల్లి అమరేందర్‌ రెడ్డి, మందడి సైదిరె డ్డి, బి. వేందర్‌, అభిమన్యు శ్రీనివాస్‌, మైనం శ్రీను, జమా ల్‌ ఖాద్రి, నాగార్జునా చారి తదితరులు పాల్గొన్నారు.
తెలంగాణకు జరుగుతున్న అన్యాయాన్ని తట్టుకోలేక పదవిని తృణప్రాయంగా త్యజించి ఒక్కడిగా వచ్చి లక్షల మంది సైన్యా న్ని తయారు చేసిన గొప్ప వీరుడు కేసీఆర్‌ అని నల్లగొండ మాజీ ఎమ్మెల్యే కంచర్ల భూపాల్‌ రెడ్డి అన్నారు. సబ్బండ వర్గాలను ఏకం చేసి దేశ చరిత్రలో ఎక్కడా లేని విధంగా పోరాటం చేసి రాష్ర్టాన్ని సాధించిన కేసీఆర్‌ పదేండ్లల్లో తెలంగాణను దేశంలోనే నంబర్‌ వన్‌గా తీర్చిదిద్దినట్లు తెలిపారు.
కేసీఆర్‌ ప్రాణత్యాగానికి సిద్ధపడినందునే తెలంగాణ రాష్ట్రం ఏర్పడిందని మిర్యాలగూడ మాజీ శాసన సభ్యు డు నలమోతు భాస్కర్‌ రావు అన్నారు. తాను కూడా 1969 ఉద్యమంలో పాల్గొని జైలుకెళ్లినట్లు తెలిపారు. సూర్య చంద్రులు ఉన్నంత కాలం కేసీఆర్‌ పేరును తెలంగాణ ప్రజలు మర్చిపోరని అన్నారు.
నాడు రాష్ట్రం కోసం కేసీఆర్‌ దీక్ష చేయటంతోనే రాష్ట్ర వ్యాప్తంగా ఉద్యమాలు ప్రారంభమై కేం ద్రంలో ఉన్న కాంగ్రెస్‌ సర్కార్‌పై ఎంతో వత్తిడి వచ్చి తెలంగాణ రాష్ర్టాన్ని ఇవ్వాల్సి వచ్చిందని బీఆర్‌ఎస్‌ అధ్యక్షుడు, దేవరకొండ మాజీ శాసన సభ్యుడు రమావత్‌ రవీంద్రకుమార్‌ అన్నారు. పదేళ్లలో కేసీఆర్‌ సీఎంగా తెలంగాణ ప్రజల ఆకాంక్షకు అనుగుణంగా పాలన చేస్తే ప్రస్తుత కాంగ్రెస్‌ ప్రభుత్వం రెండేళ్లలో అన్నింటా విఫలమైందన్నారు. స్థాని క సంస్థల ఎన్నికల్లో బీఆర్‌ఎస్‌ మద్దతు ఉన్న అభ్యర్థులను గెలిపించాలని కోరారు. ఈ ఎన్నికలే 2028లో జరిగే శాసన సభ ఎన్నికలకు పునాది అన్నారు.
నీళ్లు, నిధులు, నియామకాల్లో జరిగిన అన్యాయం వల్లే కేసీఆర్‌ పార్టీ పెట్టి, రాష్ర్టాన్ని సాధించారని మాజీ ఎమ్మెల్యే చిరుమర్తి లింగయ్య పేర్కొన్నారు. తెలంగాణ ఆవిర్భావం అనంతరం జరిగిన అభివృద్ధి, ప్రస్తుత కాం గ్రెస్‌ ప్రభుతంలో జరుగుతున్న అభివృద్ధిని చూస్తే ప్రస్తుత కాంగ్రెస్‌ సర్కార్‌ చేస్తున్న విధ్వంసం ఏమిటో తెలంగాణ రాష్ట్ర ప్రజలకు తెలిసి పోయందన్నారు. కాంగ్రెస్‌ పార్టీని స్థానిక సంస్థల ఎన్నికల్లో రాజకీయ సమాధి చేయాలని ఆయన పిలుపునిచ్చారు.
2009లో దీక్షా దివస్‌తో వచ్చిన చైతన్యం మరోసారి చూపి, కాం గ్రెస్‌ సర్కార్‌ను మట్టి కరిపించాలని సాగర్‌ మాజీ ఎమ్మెల్యే నోముల భగత్‌ అన్నారు. పదేండ్లల్లో కేసీఆర్‌ తెలంగాణను బం గారు తెలంగాణగా తీర్చిదిద్దితే రెండేళ్ల కాంగ్రెస్‌ ప్రభుత్వం సర్వ నాశనం చేసిందన్నారు. ప్రస్తుత పంచాయతీ ఎన్నికలు చాలా కీలకమని..వీటిని బీఆర్‌ఎస్‌ అభ్యర్థులే ఎక్కువగా గెల్చుకోవాల్సిన అవసరం ఉందన్నారు. ఆంధ్ర పాలకుల పాలన ఎలా ఉండేదో రేవంత్‌ సర్కార్‌ను చూస్తే తెలుస్తోందన్నారు.
