‘నాంపల్లిని కరువు మండలంగా ప్రకటించాలి’

నాంప‌ల్లి మండ‌లాన్ని క‌రువు మండ‌లంగా ప్ర‌క‌టించాలని సీపీఎం మండల కార్యదర్శి నాంపల్లి చంద్రమౌళి అన్నారు. ఈ మేర‌కు సోమ‌వారం ఎంపీడీవో కార్యాలయంలో నిర్వ‌హించిన ప్రజావాణిలో వినతి పత్రం అందజేశారు. ఈ సందర్భంగా చంద్రమౌళి మాట్లాడుతూ...

నాంపల్లి, అక్టోబ‌ర్ 12 : నాంప‌ల్లి మండ‌లాన్ని క‌రువు మండ‌లంగా ప్ర‌క‌టించాలని సీపీఎం మండల కార్యదర్శి నాంపల్లి చంద్రమౌళి అన్నారు. ఈ మేర‌కు సోమ‌వారం ఎంపీడీవో కార్యాలయంలో నిర్వ‌హించిన ప్రజావాణిలో వినతి పత్రం అందజేశారు. ఈ సందర్భంగా చంద్రమౌళి మాట్లాడుతూ.. కరువు మండలంగా ప్రకటించడంతో పాటు, పంటలు నష్టపోయిన రైతులకు పరిహారం చెల్లించాలని ఆయన ప్రభుత్వాన్ని డిమాండ్ చేశారు. ఒకవైపు వర్షాలు పడకపోవడంతో ఎంతోమంది రైతులు తీవ్ర ఇబ్బందులు పడుతున్నారని ఆయన ఆవేదన వ్యక్తం చేశారు. మండలంలో నెలకొన్న వర్షాభావ పరిస్థితులను క్షేత్రస్థాయిలో పరిశీలించి రైతులకు జరిగిన నష్టాన్ని అంచనా వేయాలని ఆయన అధికారులను కోరారు.

ఎల్ నినో పరిస్థితులు, వాతావరణం మార్పుల నేపథ్యంలో కేంద్రం మద్దతు ధర ప్రకటించిన పంటలన్నీటికి 100% మద్దతు ధరకు కొనుగోలు చేయాలని ఆయన కోరారు. ఒకవైపు ఎల్‌నినో ప్రభావం, మరోవైపు విద్యుత్ కొరత రోజుకు 7:00 నుండి 9 గంటల మాత్రమే కరెంటు ఇస్తున్న కారణంగా రైతులు తీవ్ర ఇబ్బందులు ఎదుర్కొంటున్నారని పేర్కొన్నారు. ఈ కార్యక్రమంలో సీపీఎం మండల కమిటీ సభ్యులు వాసిపాక ముత్తిలింగం, కొమ్ము లక్ష్మయ్య పాల్గొన్నారు.