‘ప్రతి ఒక్కరు కేవైసీ చేయించుకోవాలి’

అర్వపల్లి, నవంబర్ 12 : బ్యాంక్ వినియోగ‌దారులు ప్రతి ఒక్కరు కేవైసీ చేయించుకోవాలని అర్వపల్లి తెలంగాణ గ్రామీణ బ్యాంకు మేనేజర్ ఎన్‌.వెంకటరమణ చారి అన్నారు. గురువారం అర్వపల్లిలో జన సురక్ష కార్యక్రమాన్ని నిర్వహించారు. ఈ సందర్భంగా ఆయన మాట్లాడుతూ.. సామాజిక భద్రత పథకాలు అందరూ సద్వినియోగం చేసుకోవాలన్నారు. సైబర్ నేరాల పట్ల అప్రమత్తంగా ఉండాలన్నారు. అనంతరం బొల్లంపల్లి గ్రామానికి చెందిన వంగాల ఎల్లమ్మ ఇటీవల అనారోగ్యంతో చనిపోగా వారికి ప్రధానమంత్రి జీవన్ జ్యోతి బీమా యోజన (PMJJBY) ద్వారా రూ.2 లక్షల చెక్కును నామినీ, ఆమె భర్త వంగాల అంజయ్యకు అందజేశారు. ఈ కార్యక్రమంలో బ్రాంచ్ ఫీల్డ్ ఆఫీసర్ వై.సరిత, సీఎస్ఏ టి.వంశీ కృష్ణ, వోఏ సీహెచ్‌.గిరిబాబు, ఆర్థిక అక్షరాస్యత కేంద్రం (CFL) కౌన్సిలర్స్ ఎన్‌.నరేశ్‌, కె.విజయ్, కె.ప్రవీణ్ పాల్గొన్నారు.