‘కెమిస్ట్రీ వెంకటేశ్వరరావు మృతి కోదాడ‌ పబ్లిక్ క్లబ్‌కు తీరని లోటు’

కోదాడ పబ్లిక్ క్లబ్ శాశ్వత సీనియర్ సభ్యుడు, క్లబ్ పాలకవర్గానికి చేదోడు వాదోడుగా ఉంటూ అభివృద్ధిలో కీలక భాగస్వామిగా నిలిచిన 'కెమిస్ట్రీ' వెంకటేశ్వరరావు (82) శుక్రవారం కన్నుమూశారు. ఆయన మృతి పట్ల కోదాడ పబ్లిక్ క్లబ్ కార్యవర్గ సభ్యులు, ప్రముఖులు తీవ్ర సంతాపాన్ని వ్యక్తం చేశారు.

కోదాడ‌, అక్టోబ‌ర్ 17 : ​కోదాడ పబ్లిక్ క్లబ్ శాశ్వత సీనియర్ సభ్యుడు, క్లబ్ పాలకవర్గానికి చేదోడు వాదోడుగా ఉంటూ అభివృద్ధిలో కీలక భాగస్వామిగా నిలిచిన ‘కెమిస్ట్రీ’ వెంకటేశ్వరరావు (82) శుక్రవారం కన్నుమూశారు. ఆయన మృతి పట్ల కోదాడ పబ్లిక్ క్లబ్ కార్యవర్గ సభ్యులు, ప్రముఖులు తీవ్ర సంతాపాన్ని వ్యక్తం చేశారు. క్లబ్ అభివృద్ధిలో వెంకటేశ్వరరావు అందించిన సేవలు చిరస్మరణీయమని కొనియాడారు. ​శనివారం కోదాడ పట్టణంలోని ఆయన నివాసంలో భౌతికకాయానికి పబ్లిక్ క్లబ్ అధ్యక్షుడు కత్రం సీతారాంరెడ్డి, ప్రధాన కార్యదర్శి పోటు రంగారావు, సీనియర్ శాశ్వత సభ్యులు ఆవుల రామారావు, చింతలపాటి శ్రీను, కత్రం శివాజీ రెడ్డి, చింతలపాటి శేఖర్, వంగవీటి గురునాథం, తోట రంగారావు, గుండపునేని సత్యనారాయణ, క్లబ్ మేనేజర్ అప్పారావు, రవి, డాక్టర్ ఏటుకూరి రామారావు, పైడిమర్రి వెంకటనారాయణ, సుంకరి సత్యనారాయణ తదితరులు పూలమాలలు వేసి ఘనంగా నివాళులర్పించారు.