Visit:
– చాకలి ఐలమ్మ సంఘం తెలంగాణ ఫౌండర్ చైర్మన్ నాగిళ్ల శంకర్
చండూరు, సెప్టెంబర్ 26 : చాకలి ఐలమ్మను తెలంగాణ తల్లిగా ప్రకటించాలని చాకలి ఐలమ్మ సంఘం తెలంగాణ ఫౌండర్ చైర్మన్ నాగిళ్ల శంకర్ రాష్ట్ర ప్రభుత్వాన్ని డిమాండ్ చేశారు. సబ్బండ వర్గాల మేల్కొల్పు గాత్రం, తెలంగాణ తల్లి వీరనారి, రైతాంగ సాయుధ పోరాట యోధురాలు చాకలి ఐలమ్మ 131వ జయంతి సందర్భంగా ఆమె చిత్ర పటానికి చండూరు పట్టణ కేంద్రంలో పూలమాల వేసి నివాళులర్పించారు. ఈ సందర్భంగా ఆయన మాట్లాడుతూ.. హైదరాబాద్ ట్యాంకుబండ్ పై ఐలమ్మ వంద అడుగుల విగ్రహాన్ని పెట్టాలన్నారు. రాబోయే రోజుల్లో చాకలి ఐలమ్మ చిత్రాలు పంచడం, ప్రతిమలు ఇవ్వడం, ఐలమ్మ పురస్కారాలు, అవార్డులు ఇవ్వడం జరుగుతూనే ఉంటుందని తెలిపారు. ఈ కార్యక్రమంలో చండూరు మున్సిపాలిటీ వైస్ చైర్మన్ భూతరాజు దశరథ, భూతరాజు దేవదాసు, ఐతరాజు మల్లేష్, భూతరాజు శ్రీహరి, భూతరాజు నరేష్, భూతరాజు యాదగిరి, భూతరాజు పాండు, భూతరాజు వెంకన్న, భూతరాజు శేఖర్, నలపరాజు శంకర్, కొండమీది లవకుమార్, ఏలే చంద్రశేఖర్ జన్ను, గంగిశెట్టి ప్రకాష్, జాంగిర్ పాల్గొన్నారు.
