పాఠశాలలకు ఉచిత కరెంట్‌ ఊసేలేదు

ప్రభుత్వ పాఠశాలలకు ఉచిత కరెంట్‌ ఇస్తామని సీఎం రేవంత్‌రెడ్డి ప్రకటించినా ఇప్పటికీ అమలు కావడం లేదు. ఉచిత కరెంట్‌ సరఫరాపై మండల విద్యాశాఖ అధికారులను, ఉపాధ్యాయులను ఆరాతీస్తే దీనిపై ఎలాంటి ఆదేశాలు రాలేవన్నారు.

జిన్నారం, జూలై 9 : ప్రభుత్వ పాఠశాలలకు ఉచిత కరెంట్‌ ఇస్తామని సీఎం రేవంత్‌రెడ్డి ప్రకటించినా ఇప్పటికీ అమలు కావడం లేదు. ఉచిత కరెంట్‌ సరఫరాపై మండల విద్యాశాఖ అధికారులను, ఉపాధ్యాయులను ఆరాతీస్తే దీనిపై ఎలాంటి ఆదేశాలు రాలేవన్నారు. కుక్‌ కం హెల్పర్‌లకు రావాల్సిన గౌరవ వేతనం గురించి ఆరా తీస్తే మూడు నుంచి నాలుగు, ఐదు నెలలకు ఒక సారి బడ్జెట్‌ రిలీజ్‌ చేస్తారని, బడ్జెట్‌ రిలీజ్‌ అయిన తరువాతనే కుక్‌ కం హెల్పర్లకు గౌరవ వేతనాలు చెల్లిస్తామన్నారు. ఉపాధ్యాయుల ప్రమోషన్ల నేపథ్యంలో ఖాళీ అయిన స్థానాల్లో వలంటీర్లను నియమించినట్లు తెలిపారు. అంగన్‌వాడీ సెంటర్లకు గుడ్ల సరఫరా చేస్తున్న వారికి బిల్లులు అందుతున్నాయా అని ఆరాతీస్తే, గుడ్లు వస్తున్నాయా లేదా అనేది మాత్రమే తాము చూస్తామని, బిల్లుల చెల్లింపు జిల్లా అధికారుల నుంచి జరుగుతుందని తెలిపారు.