Visit:
అమీన్ఫూర్(జిన్నారం), జూన్ 22 : స్థానికులకు ఉద్యోగాలు ఇవ్వాలని పటాన్చెరు ఎమ్మెల్యే మహిపాల్రెడ్డి పరిశ్రమల ప్రతినిధులకు సూచించారు. సంగారెడ్డి జిల్లా సుల్తాన్పూర్లోని మెడికల్ డివైజెస్ పార్కులోని ఐలా కార్యాలయంలో సోమవారం ఆయన పరిశ్రమల ప్రతినిధులు, అధికారులతో సమావేశం నిర్వహించారు. మెడికల్ డివైజెస్ పార్కులో పరిశ్రమల ఏర్పాటు తదితర విషయాలపై చర్చించారు. అనంతరం ఎమ్మెల్యే మహిపాల్రెడ్డి మాట్లాడుతూ మెడికల్ డివైజెస్ పార్కులో 120 పరిశ్రమలు ఉత్పత్తులు ప్రారంభించాయన్నారు.
పరిశ్రమల్లో స్థానికులకు ఉద్యోగ అవకాశాలు కల్పించేలా యాజమాన్యాలు చర్యలు తీసుకోవాలని సూచించారు. పరిశ్రమల్లో రిక్రూట్మెంట్ జరిగే సమయంలో ప్రతి ఒక్కరికీ సమాచారం అందేలా చూడాలన్నారు. ప్రజలకు ఉపయోగపడే కార్యక్రమాలు చేపట్టేలా పరిశ్రమల యాజమాన్యాలు సీఎస్ఆర్ నిధులు కేటాయించాలని సూచించారు. నూతన పరిశ్రమల స్థాపనకు తగిన సహకారం ఉంటుందన్నారు. ఐలా కమిషనర్ శ్రీనివాస్, మాజీ ఎంపీపీ దేవానందం, మాజీ జడ్పీటీసీ సుధాకర్రెడ్డి, అధికారులు, పరిశ్రమల ప్రతినిధులు పాల్గొన్నారు.
