అక్రమ కట్ట్టడాల కూల్చివేత

సంగారెడ్డి జిల్లా అమీన్‌పూర్‌ మండలంలోని దాయరా పంచాయతీ పరిధిలో సర్వేనంబర్‌ 30లో 720 ఎకరాల ఇనాం భూమిలో కొందరు కబ్జాదారులు అనుమతులు లేకుండా లేఔట్లు గీసి చిన్న చిన్న రూమ్‌ల నిర్మా ణం చేపట్టి అమ్మకాలు ప్రారంభించారు.

అమీన్‌పూర్‌ నవంబర్‌ 22: సంగారెడ్డి జిల్లా అమీన్‌పూర్‌ మండలంలోని దాయరా పంచాయతీ పరిధిలో సర్వేనంబర్‌ 30లో 720 ఎకరాల ఇనాం భూమిలో కొందరు కబ్జాదారులు అనుమతులు లేకుండా లేఔట్లు గీసి చిన్న చిన్న రూమ్‌ల నిర్మా ణం చేపట్టి అమ్మకాలు ప్రారంభించారు. అమీన్‌పూర్‌ తహసీల్దార్‌ రాధా ఆధ్వర్యంలో ఇన్‌స్పెక్టర్‌ నాగరాజు, పోలీసుల భద్రత మధ్య శుక్రవారం అక్రమ కట్టడాలను కూల్చివేశారు. చుట్టూ వేసిన ఐరన్‌ షీట్లతో వేసిన కంచెను తొలిగించారు. తహసీల్దార్‌ మాట్లాడుతూ..సర్వేనంబర్‌ 30లో కొంతమంది అనుమతులు తీసుకోకుండా అక్రమ కట్టడాలు చేపట్టారని, వాటిని కూల్చి వేశామని అన్నా రు. అనుమతులు లేకుండా నిర్మాణాలు చూపడితే కఠిన చర్యలు తీసుకుంటామని హెచ్చరించారు.

ఇంద్రేశంలో…

పటాన్‌చెరు, నవంబర్‌ 22: సంగారెడ్డి జిల్లా ఇంద్రేశంలో శుక్రవారం పంచాయతీ కార్యదర్శి సుభాష్‌ ఆధ్వర్యంలో అక్రమ నిర్మాణాలను కూల్చివేశారు. నవ్వ సెంట్రల్‌లో గోపా ల్‌ అనే వ్యక్తి పర్మిషన్లు లేకుండా అదనపు అంతస్తులు నిర్మిస్తున్నారని గుర్తించిన పంచాయతీ సిబ్బందితో కూల్చివేతలు జరిపారు. స్లాబ్‌ను మిషన్‌లు వాడి కూల్చారు. గోడలను తొలిగిస్తున్నారు. పంచాయతీ అనుమతులు లేని నిర్మాణాలను కూల్చివేస్తున్నామని, ఆరు నిర్మాణాలను గుర్తించామని, వాటిని తొలిగిస్తామని పంచాయతీ కార్యదర్శి తెలిపారు.