వరద హోరు

జూరాల ప్రాజెక్టుకు నిరంతరాయంగా వరద కొనసాగుతుండండతో జూరాల కృష్ణమ్మ నీటితో కళకళలాడుతుంది. ఎగువన వర్షాలు కురవడంతోపాటు నారాయణపూర్‌ డ్యాం నుంచి దిగువకు వరద నీటిని విడుదల చేస్తున్న క్రమంలో జూరాల ప్రాజెక్టు వైపు కృష్ణమ్మ పరుగులు తీస్తూ ప్రవహిస్తోంది.

• 27గేట్లు ఎత్తి దిగువకు నీటి విడుదల
• ఇన్‌ఫ్లో 1,79,000 క్యూసెక్కులు
• అవుట్‌ ఫ్లో 1,77,105 క్యూసెక్కులు

గద్వాల, ఆగస్టు 3 : జూరాల ప్రాజెక్టుకు నిరంతరాయంగా వరద కొనసాగుతుండండతో జూరాల కృష్ణమ్మ నీటితో కళకళలాడుతుంది. ఎగువన వర్షాలు కురవడంతోపాటు నారాయణపూర్‌ డ్యాం నుంచి దిగువకు వరద నీటిని విడుదల చేస్తున్న క్రమంలో జూరాల ప్రాజెక్టు వైపు కృష్ణమ్మ పరుగులు తీస్తూ ప్రవహిస్తోంది. సోమవారం జూరాల ప్రాజెక్టుకు 1,79,000 క్యూసెక్కుల వరద వచ్చి చేరుతుండడంతో జూరాల నిండుకుం డలా మారింది. జూరాల ప్రాజెక్టు పూర్తిస్థాయి నీటిమట్టం 318.516 మీటర్లు కాగా ప్రస్తుతం 317.75 మీటర్ల నీటి నిల్వ ఉంది.

జూరాల ప్రాజెకు ్ట పూర్తిస్థాయి సామర్థ్యం 9.657 టీఎంసీలు కాగా ప్రస్తుతం 8.126 టీఎంసీల నీరు ప్రాజెక్టులో నిల్వఉంది. విద్యుదుత్పత్తికి 32,197 క్యూసెక్కుల నీటిని విడుదల చేస్తున్నారు. జూరాల ప్రాజెక్టు 27 గేట్లు తెరిచి దిగువకు 1,39,185 క్యూసెక్కుల నీటిని విడుదల చేస్తున్నారు. మొత్తం ఇన్‌ఫ్లో 1,79,000లు కాగా మొత్తం అవుట్‌ ఫ్లో 1,77,105 క్యూసెక్కులుగా నమోదైంది. భీమా నదికి వరద వస్తుండడంతో జూరాలకు రాత్రి వరకు వరద పెరిగే అవకాశం ఉంది. వరద ఉధృతి పెరిగితే రాత్రికి మరిన్ని గేట్లు ఎత్తి దిగువకు నీటిని విడుదల చేసే అవకాశం ఉందని ప్రాజెక్టు అధికారులు తెలిపారు.