ACB NET | లంచం తీసుకుంటూ ఏసీబీకి పట్టుబడ్డ జిల్లా యువజన అధికారి

ACB NET | జిల్లా యువజన, క్రీడల అభివృద్ధి అధికారి రాజశేఖర్‌ రెడ్డి లంచం తీసుకుంటూ ఏసీబీ కి పట్టుబడ్డారు.

మహబూబ్‌ నగర్‌ : జిల్లా యువజన, క్రీడల అభివృద్ధి అధికారి రాజశేఖర్‌ రెడ్డి ( Rajashekar Reddy ) లంచం ( Bribe ) తీసుకుంటూ ఏసీబీ ( ACB NET ) కి పట్టుబడ్డారు. ఆయనతో పాటు కంప్యూటర్‌ ఆపరేటర్‌ ఉమేశ్‌ను పట్టుకున్నారు. యువజన, క్రీడల నిర్వహణ సమయంలో సరఫరా చేసిన క్యాటరింగ్‌ బిల్లులను మంజూరు చేయాలని సంబంధిత నిర్వాహకులు డీవైఎస్‌వోను సంప్రందించారు.

బిల్లుల మంజూరు చెక్కుల కోసం రూ. లక్ష డిమాండ్‌ చేయడంతో క్యాటరింగ్‌ నిర్వాహకుడు ఏసీబీ అధికారులను ఆశ్రయించగా గురువారం డీవైఎస్‌వో, ఆపరేటర్‌ లంచం తీసుకుంటూ రెడ్‌ హ్యండెడ్‌గా పట్టుబడ్డారు. ఇద్దరిపై కేసు నమోదు చేసినట్లు ఏసీబీ అధికారులు వెల్లడించారు.