ఇష్టమే గాని

ఎందుకీ జన్మన్నట్టు ఆడపిల్ల కలుగుడే బాధల చెమ్మయినట్టు కలవరింతలు ఎవరికి పట్టి ?

ఎందుకీ జన్మన్నట్టు
ఆడపిల్ల కలుగుడే
బాధల చెమ్మయినట్టు
కలవరింతలు ఎవరికి పట్టి ?

ఆడుకొను పోతానంటే
వాకిట్ల తట్టు తాకెనా !
చదవ పోతుంటే
కిరాతకం కన్ను పడినా !
ర్యాగింగ్ నుంచి ర్యాగింగ్
అవమానం మీద అవమానం
చెరపెట్టిన చేదు యాదులన్నీ
వెనకకిడ్చి వెక్కిరీయబట్టే

గీత దాటనీయని ఆ అంక్షల నించి
విద్యనీయని పెత్తనాల నించి
గాయాలగేలి నించీ
అడుగు తీసి అడుగేస్తే
పుట్టెడనుమానాల నించీ
పల్లేరుల నడిచిన గుర్తుల వి
ఇంకెన్నాళ్లీ కష్టాలని
నూరు తప్పులు లెక్కించి ప్రభుత వరం
పాశుపతాన్నిచ్చింది
ఆపరేషన్ జురిడిక్షన్
ఎల్లలంతా కళ్ళు చేసుకుని
తోలు తీస్తున్నది ఖబర్దార్ !
‘ఎల్లప్పుడు మీతో
ఎల్లప్పుడూ మీ కొరకు ‘
గాలిస్తున్నది చూసుకో

– ఎ.ఎం. తాయారు
(9550 123 718)