విత్తనం

సహన లేపనం పూసుకున్న అంతుచిక్కని పురాతన మాతృక అస్తిత్వం కోల్పోకుండా చిత్తు అనుకోలేని విత్తు పరిమళభరిత భవిష్యత్తు తరాల పతాకానికి తొలిమెట్టు

సహన లేపనం పూసుకున్న
అంతుచిక్కని పురాతన మాతృక

అస్తిత్వం కోల్పోకుండా చిత్తు అనుకోలేని విత్తు
పరిమళభరిత భవిష్యత్తు తరాల పతాకానికి తొలిమెట్టు

నీటిస్పర్శతో ఆలింగనం కాబడి
విత్తుగా ఎత్తుకు ఎదిగి ఒదుగుతూ…
వేర్లను రెక్కలుగా చాచుతూ…
పొరలు పొరలుగా చీల్చుకుంటూ…
కొమ్మలు రెమ్మలుగా పెరుగుతూ ఉంటుంది

ఆకుపచ్చని చెట్టుగా అవని అంతా పరుచుకొని
ఔషధ గుణాలతో పువ్వులు ఫలాలుగా
ఇంటి అవసరాల కల్ప తరువులుగా

ఇంటిల్లి పాదికి డెకరేషన్‌లో మేటిగా
పెరట్లో తులసి మొక్కగా
ఆఖరి మజిలీలో దేహంపై పాడెగా కాల్చే కట్టెగా

చల్లనిరేయిలో..హాయిని ప్రసాదించి
అవిశ్రాంత పసిడి అన్నపూర్ణ దాతువు

విత్తనం వినీలాకాశముగా
వినయంతో విజయ శిఖరముగా
ప్రకృతిని సృష్టించిన ఆణిముత్య వనకణం

– డాక్టర్‌ పగిడిపల్లి సురేందర్‌ 80748 46063