గడియాభరణం!

మహిళల ముస్తాబులో మణికట్టు ప్రాధాన్యం ఎక్కువే. ముంజేతికి రంగురంగుల గాజులు సింగారించుకుని మురిసిపోతారు మగువలు.

మహిళల ముస్తాబులో మణికట్టు ప్రాధాన్యం ఎక్కువే. ముంజేతికి రంగురంగుల గాజులు సింగారించుకుని మురిసిపోతారు మగువలు. ఇప్పుడు, చేతి గడియారాలు మణికట్టు అలంకరణలో భాగం అవుతున్నాయి.
ఆధునిక యువతులు వాచీలకూ నగలంత విలువ ఇస్తున్నారు.

రిస్ట్‌ వాచీల రూపురేఖలే మారిపోతున్నాయి. బంగారం, వెండి, ప్లాటినం తదితర లోహాలలో ముంచితేల్చినవీ వచ్చేశాయి. అలంకరణతోపాటు హుందాతనానికి ప్రతీకగా నిలుస్తున్నాయి గడియారాలు. ఫోన్ల వినియోగం పెరిగిపోయాక రిస్ట్‌ వాచీల అవసరం కొంత తగ్గినా.. ఆదరణ మాత్రం పోలేదు. కొత్తకొత్త ఫీచర్స్‌తో స్మార్ట్‌ వాచీలు అందుబాటులో ఉన్నా.. ైస్టెలిష్‌ లుక్‌కు కొరతలేని ముళ్ల గడియారాలను ధరించేందుకే మొగ్గు చూపుతున్నారు.

రంగు రాళ్లు, రత్నాలతో కూడిన బెల్టులతో సంప్రదాయ దుస్తులపైనా ఇవి చక్కగా నప్పుతాయి. రొటీన్‌కు భిన్నంగా చతురస్రం, దీర్ఘచతురస్రం, అండాకారం.. ఇలా అరుదైన ఆకృతుల్లో ైస్టెలిష్‌ వాచీలు అందుబాటులో ఉన్నాయి. వజ్రాలు, పూసలు, ముత్యాలు పొదిగిన పార్టీవేర్‌ గడియారాలూ మహిళలను ఆకర్షిస్తున్నాయి. బ్రేస్‌లెట్లు, గాజులను పోలినవాటికి కూడా గిరాకీ ఉంది. వన్నెచిన్నెల మల్టీకలర్‌ మోడల్స్‌ ఏ రంగు దుస్తులకైనా నప్పుతాయి.