రీస్టోర్‌.. చేసేద్దామా!?

ఒకప్పుడు ఫొటో దిగడం అంటే.. ఓ ప్రహసనంలా ఉండేది! ఏదో ఓ అరుదైన సందర్భంలోనే కెమెరా‘క్లిక్‌'మనేది! కానీ, ఇప్పుడు స్మార్ట్‌ఫోన్‌ పుణ్యమా అని.. ప్రతి సందర్భం ‘ఫొటో’గా మారిపోతున్నది.

ఒకప్పుడు ఫొటో దిగడం అంటే.. ఓ ప్రహసనంలా ఉండేది! ఏదో ఓ అరుదైన సందర్భంలోనే కెమెరా‘క్లిక్‌’మనేది! కానీ, ఇప్పుడు స్మార్ట్‌ఫోన్‌ పుణ్యమా అని.. ప్రతి సందర్భం ‘ఫొటో’గా మారిపోతున్నది. అయితే అప్పుడప్పుడూ కొన్ని ముఖ్యమైన ఫొటోలు పొరపాటునో.. అనుకోకుండానో డిలీట్‌ అవుతుంటాయి. ఆ పోగొట్టుకున్న ఫొటోలను తిరిగి పొంది, ఆ పాత మధుర క్షణాలను మళ్లీ నెమరు వేసుకోవాలంటే.. ఈ టిప్స్‌ ఫాలో అయితే సరి!

ఆండ్రాయిడ్‌ యూజర్లు అయితే..

• ముందుగా, ‘గ్యాలరీ’లో ఉండే ‘రీసెంట్లీ డిలీటెడ్‌’ లేదా ‘ట్రాష్‌’లోకి వెళ్లాలి. ఫోన్‌ నుంచి డిలీట్‌ అయిన ఫొటోలన్నీ ఇక్కడికే వచ్చి చేరతాయి. మీకు కావాల్సిన ఫొటోలను ‘సెలెక్ట్‌’ చేసుకొని, ‘రీస్టోర్‌ యువర్‌ ఫైల్స్‌’ ఆప్షన్‌పై క్లిక్‌ చేస్తే చాలు.
• మీ స్మార్ట్‌ఫోన్‌లో దిగిన ఫొటోలన్నిటినీ గూగుల్‌ తన ‘ఫొటోస్‌’లో స్టోర్‌ చేస్తుంటుంది. ఫోన్‌లో డిలీట్‌ అయిన ఫొటోలను ‘గూగుల్‌ ఫొటోస్‌’ నుంచి కూడా రీస్టోర్‌ చేసుకోవచ్చు.

యాపిల్‌ యూజర్లు అయితే..

• ఐఫోన్‌లో ‘ఆల్బమ్స్‌’ను ఓపెన్‌ చేసి, ‘రీసెంట్లీ డిలీటెడ్‌’ ఓపెన్‌ చేయాలి. ఇక్కడ కనిపించే మీ ఫొటోలను సెలెక్ట్‌ చేసుకొని, ‘రికవర్‌’ ఆప్షన్‌ను ఎంచుకుంటే.. ఫొటోలు తిరిగి ‘ఆల్బమ్‌’లోకి చేరిపోతాయి.
• ఆండ్రాయిడ్‌లో ‘గూగుల్‌ ఫొటోస్‌’లాగానే.. ఐఫోన్లలో ‘ఐక్లౌడ్‌’ ఉంటుంది. యాపిల్‌ ఐడీతో లాగిన్‌ అయితే, మీ ఫొటోలన్నీకనిపిస్తాయి. డిలీట్‌ అయిన ఫొటోలను ఇక్కడినుంచి తిరిగి పొందే అవకాశం ఉంటుంది.