లంచ్‌ బాక్సులో ఆరోగ్యం

వానాకాలం రాగానే ‘హమ్మయ్య ఎండల బాధ తప్పింది’ అనుకుంటూ సంతోషిస్తాం. కానీ, ఏ కాలానికి ఉండే కష్టాలు ఆ కాలంలో ఉంటాయి. వానలతోపాటే జలుబు, జ్వరాలు వస్తాయి. పిల్లలు తరచూ అస్వస్థతకు గురైతే వాళ్ల ఎదుగుదలకే కాదు చదువుకూ ఆటంకం ఏర్పడుతుంది.

వానాకాలం రాగానే ‘హమ్మయ్య ఎండల బాధ తప్పింది’ అనుకుంటూ సంతోషిస్తాం. కానీ, ఏ కాలానికి ఉండే కష్టాలు ఆ కాలంలో ఉంటాయి. వానలతోపాటే జలుబు, జ్వరాలు వస్తాయి. పిల్లలు తరచూ అస్వస్థతకు గురైతే వాళ్ల ఎదుగుదలకే కాదు చదువుకూ ఆటంకం ఏర్పడుతుంది. ఈ సమస్యకు లంచ్‌ బాక్స్‌ పరిష్కారంగా ఎంచుకోండి. మీ చిన్నారుల ఎదుగుదలకు కావాల్సిన ప్రొటీన్లు, ఆరోగ్యానికి కావాల్సిన యాంటీ ఆక్సిడెంట్లు ఉండేలా లంచ్‌ బాక్స్‌ని సిద్ధం చేసుకోవాలి.

• తాజా పండ్లు, కూరగాయల్లో బ్యాక్టీరియా, వైరస్‌లను ఎదుర్కొనే యాంటీ ఆక్సిడెంట్లు ఉంటాయి. క్యారెట్‌, బొప్పాయి, మామిడి, ఆపిల్‌, అరటి, జామ, దానిమ్మ, సపోట వంటివి లంచ్‌ బాక్స్‌లో చేర్చాలి.
• పిల్లల శారీరక ఎదుగుదలకు ప్రొటీన్‌ అవసరం. చేపలు, గుడ్లు, పప్పులు, పల్లీల వంటి అధిక ప్రొటీన్‌ ఉండే పదార్థాలు బాక్స్‌లో ఉంచాలి. ఇవి రోగ నిరోధకశక్తిని పెంచడానికి కూడా దోహదపడతాయి.
• రక్త హీనత సమస్యకు పరిష్కారంగా ఐరన్‌ అధికంగా ఉండే ఆహారం ఇవ్వాలి. ముడిబియ్యం, దానిమ్మ, గుడ్డు, పాల ఉత్పత్తులకు లంచ్‌బాక్స్‌లో చోటివ్వండి.
• నిల్వ ఆహారం, ప్రాసెస్‌ చేసిన ఫుడ్‌ తినడం వల్ల పిల్లల జీర్ణ వ్యవస్థపై ప్రతికూల ప్రభావం పడుతుంది. స్వీట్లు, చిప్స్‌లో రుచి కోసం, రంగు కోసం హానికరమైన రసాయనాలు ఉపయోగిస్తారు. వీటిని వీలైనంత వరకు పిల్లలకు దూరంగా ఉంచండి.