Flyrobe | ఫ్యాషన్‌ డబ్బున్నోళ్ల సొత్తు కాదు.. ఇదే ఈమె సక్సెస్‌ఫుల్‌ బిజినెస్‌ వెనుక ఉన్న నినాదం

Aanchal Saini ఫ్యాషన్‌ డబ్బున్నవారి సొత్తు కాదు. ఆకర్షణీయంగా కనిపించడం అందరి హక్కు. ఇదే అంచల్‌ సైనీ నినాదం. ‘సంపన్నులైనా, సామాన్యులైనా ఖరీదైన దుస్తుల కోసం వేలకు వేలు ఖర్చుపెట్టడం మంచిదికాదు.

Flyrobe |  ఫ్యాషన్‌ డబ్బున్నవారి సొత్తు కాదు. ఆకర్షణీయంగా కనిపించడం అందరి హక్కు. ఇదే అంచల్‌ సైనీ ( Aanchal Saini ) నినాదం. ‘సంపన్నులైనా, సామాన్యులైనా ఖరీదైన దుస్తుల కోసం వేలకు వేలు ఖర్చుపెట్టడం మంచిదికాదు.‘రెంట్‌ ది ఐకానిక్‌, బై ద బేసిక్‌’ అని పిలుపునిస్తారామె. అసలు, ఓ స్థాయికి మించి బట్టలు కొనాల్సిన అవసరమూ లేదు. ప్రత్యేకించి.. ఫంక్షన్లు, పార్టీల కోసం బ్రాండెడ్‌ దుస్తులకు ఎగబడటం మూర్ఖత్వమే అవుతుంది’ అంటారు. తన ఆలోచనలకు అనుగుణంగానే ‘ఫ్లైరోబ్‌’ అనే స్టార్టప్‌ను తీర్చిదిద్దారు.

ఇది నూటికి నూరుశాతం పార్టీవేర్‌ను అద్దెకిచ్చే ఆన్‌లైన్‌ వ్యాపారం. పట్టుచీరలు, డిజైనర్‌ డ్రెస్‌లు, లెహంగాలు, కుర్తాలు.. ఫ్లైరోబ్‌లో లేని దుస్తులంటూ ఉండవు. వాటి మార్కెట్‌ ధరలో ఐదు నుంచి పదిశాతం అద్దెగా చెల్లిస్తే చాలు. ఇంటికే తెచ్చిస్తారు. ఇప్పటికే ఫ్లైరోబ్‌ సేవలు హైదరాబాద్‌ సహా ముప్పై నగరాల్లో అందుబాటులో ఉన్నాయి. ఫ్రాంచైజీ మాడల్‌లో వ్యాపారాన్ని దేశమంతా విస్తరించాలని ఆమె ఆలోచన. తమ బ్రాండ్‌ను విదేశాలకూ తీసుకెళ్లే ఆలోచన ఉందని చెబుతారు. సైనీ పేరున్న లాయర్‌, ఆంత్రప్రెన్యూర్‌ కూడా. ముంబైలో చదువుకున్నారు.