గర్భిణుల్లో చర్మ సంరక్షణ

‘గర్భిణి’ అని తెలియగానే.. ఆమె ప్రపంచమంతా ఒక్కసారిగా మారిపోతుంది. ఆరోగ్యంపై శ్రద్ధ పెరిగిపోతుంది.అదే సమయంలో అందం.. ముఖ్యంగా చర్మ సంరక్షణపై అశ్రద్ధ కనిపిస్తుంది. అయితే.. ఈ సమయంలో చర్మ ఆరోగ్యాన్నీ కాపాడుకోవాలని నిపుణులు చెబుతున్నారు.

‘గర్భిణి’ అని తెలియగానే.. ఆమె ప్రపంచమంతా ఒక్కసారిగా మారిపోతుంది. ఆరోగ్యంపై శ్రద్ధ పెరిగిపోతుంది.అదే సమయంలో అందం.. ముఖ్యంగా చర్మ సంరక్షణపై అశ్రద్ధ కనిపిస్తుంది. అయితే.. ఈ సమయంలో చర్మ ఆరోగ్యాన్నీ కాపాడుకోవాలని నిపుణులు చెబుతున్నారు. లేకుంటే.. లేనిపోని సమస్యలు ఎదురవుతాయని హెచ్చరిస్తున్నారు.

గర్భధారణ సమయంలో మహిళల చర్మంలో అనేక మార్పులు సంభవిస్తాయి. కాబట్టి సరైన చర్మ సంరక్షణ తీసుకోవడం ఎంతో ముఖ్యం. గర్భిణిగా ఉన్నప్పుడు తీసుకోవాల్సిన చర్మ సంరక్షణ చిట్కాలను నిపుణులు సూచిస్తున్నారు.

• పొడి చర్మాన్ని నివారించడానికి.. తక్కువ గాఢత కలిగిన మాయిశ్చరైజర్‌ రాసుకోవాలి. సహజసిద్ధమైన మాయిశ్చరైజర్లు.. చర్మంలో తేమను పట్టి ఉంచేందుకు సాయపడతాయి.
• చర్మం ఎప్పుడూ హైడ్రేటెడ్‌గా ఉండటానికి పుష్కలంగా నీరు తాగాలి.
• సబ్బులు, షాంపుల విషయంలోనూ జాగ్రత్త వహించాలి. సల్ఫేట్‌ లేని ఉత్పత్తులకు ప్రాధాన్యం ఇవ్వాలి.
• చర్మానికి సరిపడే ఉత్పత్తులనే ఎంచుకోవాలి.
• రెటినోయిడ్స్‌, సాల్సిలిక్‌ యాసిడ్స్‌తోపాటు అధిక రసాయనాలు కలిగిన ఉత్పత్తులను దూరం పెట్టాలి.
• గర్భిణులు ఎక్కువ సమయం ఇంటిపట్టునే ఉంటారు. కాబట్టి, సన్‌స్క్రీన్‌ లోషన్‌ పక్కన పెట్టేసినా ఫర్వాలేదు. బయటికి వెళ్లాల్సి వచ్చినప్పుడు తక్కువ గాఢత కలిగిన సన్‌స్క్రీన్‌ లోషన్‌ రాసుకోవాలి.
• ప్రసవం తర్వాత వచ్చే ప్రధాన సమస్య.. స్ట్రెచ్‌ మార్కులు. వీటిని నివారించడానికి, చర్మాన్ని మృదువుగా ఉంచడానికి నూనె ఆధారిత ఉత్పత్తులను ఆశ్రయించాలి. వాటితో పొట్ట భాగంపై సున్నితంగా మసాజ్‌ చేస్తూ ఉండాలి.