Karepalli | మాజీ ప్రిన్సిపల్ దారా సావిత్రి అకాల మృతి విద్యారంగానికి తీరని లోటు

Karepalli | ఖమ్మం జిల్లా కారేపల్లి తెలంగాణ మైనార్టీ గురుకుల పాఠశాల మాజీ ప్రిన్సిపల్ దారా సావిత్రి అకాల మృతి విద్యారంగానికి తీరని లోటని వివిధ ఉపాధ్యాయ సంఘాల నాయకులు అన్నారు.

కారేపల్లి : ఖమ్మం జిల్లా కారేపల్లి తెలంగాణ మైనార్టీ గురుకుల పాఠశాల మాజీ ప్రిన్సిపల్ దారా సావిత్రి ( Dara Savitri ) అకాల మృతి విద్యారంగానికి తీరని లోటని వివిధ ఉపాధ్యాయ సంఘాల నాయకులు ( Teachers Union Leaders ) అన్నారు. ఇటీవల గుండెపోటుతో మృతి చెందిన సావిత్రి సంతాప సభను ఆదివారం ఖమ్మం పట్టణంలోని ఆర్టీసీ కాలనీ వంశీకృష్ణ ఫంక్షన్ హాల్‌లో కుటుంబ సభ్యులు నిర్వహించారు.ఈ సందర్బంగా పలువురు హాజరై మాట్లాడారు. సావిత్రి మృతి తమను తీవ్రంగా కలచివేసిందన్నారు.

విద్యార్థులందరినీ తన బిడ్డలుగా భావించి ఆప్యాయతతో చూసుకునేవారని గుర్తుచేశారు. ఉపాధ్యాయ వృత్తిని కేవలం ఉద్యోగంగా కాకుండా బాధ్యతగా భావించి విద్యార్థుల అభ్యున్న తికి నిరంతరం కృషి చేశారని కొనియాడారు. విధుల పట్ల ఆమె చూపిన నిబద్ధత, క్రమశిక్షణ, విద్యార్థుల పట్ల కనబరిచిన ఆప్యాయత, సహచర ఉపాధ్యాయులతో ఉన్న సత్సంబం ధాలను స్మరించుకున్నారు. ఆమె సేవలను కొనియాడుతూ ఘనంగా నివాళులర్పించారు.

ఈ సందర్భంగా కుటుంబ సభ్యులకు ప్రగాఢ సానుభూతి తెలియజేశారు.ఈ కార్యక్రమంలో మృతురాలి భర్త ఉపేందర్, బీఆర్ఎస్ మైనార్టీ సెల్ జిల్లా నాయకులు షేక్ గౌసుద్దీన్, ఖలీల్ ఉల్లాఖాన్, సీనియర్ జర్నలిస్ట్ పగడాల నాగేశ్వరావు, ఉపాధ్యాయ సంఘాల నాయకులు, ఉపాధ్యాయులు, కుటుంబ సభ్యులు తదితరులు పాల్గొన్నారు.