Karepalli | కారేపల్లిలో పంతుళ్ల కొరత.. ఇంట్లో పూజలకూ దొరకని పురోహితులు!
Karepalli | ఖమ్మం జిల్లా కారేపల్లి మండలంలో పురోహితుల కొరత తీవ్రంగా మారుతోంది. స్వల్ప కాలంలో ముగ్గురు పురోహితులు మృతిచెందడం, యువత ఈ వృత్తిలోకి రాకపోవడంతో పూజా కార్యక్రమాలకు పూజారులు దొరకడం కష్టమవుతోంది.
Karepalli | కారేపల్లి, అక్టోబర్ 10: ఖమ్మం జిల్లా కారేపల్లి మండలంలో పురోహితుల కొరత రోజురోజుకూ తీవ్రంగా మారుతోంది. స్వల్ప కాలంలోనే ముగ్గురు పురోహితులు వివిధ అనారోగ్య సమస్యలతో మృతిచెందడంతో పలు గ్రామాల్లో పూజా కార్యక్రమాలు నిర్వహించేందుకు పూజారులు అందుబాటులో లేక ప్రజలు, భక్తులు ఇబ్బందులు ఎదుర్కొంటున్నారు.
వయసు పైబడిన పురోహితులు అనారోగ్య సమస్యలతో సేవలకు దూరమవడం, ఇటీవల పలువురు మృతిచెందడం, కొత్త తరం యువత ఈ వృత్తిపై ఆసక్తి చూపకపోవడం కొరతకు ప్రధాన కారణాలుగా స్థానికులు పేర్కొంటున్నారు. దీంతో మండలంలోని అనేక గ్రామాల ప్రజలు అందుబాటులో ఉన్న కొద్దిమంది పురోహితులపైనే ఆధారపడాల్సి వస్తోంది.
శుభకార్యాలకు ముందస్తు బుకింగ్
వివాహాలు, గృహప్రవేశాలు, నామకరణాలు, వ్రతాలు, పితృకార్యాలు, ఆలయాల్లో ప్రత్యేక పూజలు, పండుగల సందర్భంగా నిర్వహించే కార్యక్రమాలకు పురోహితుల అవసరం ఉంటుంది. అయితే పూజారుల సంఖ్య తగ్గడంతో ఆయా కార్యక్రమాల కోసం ముందుగానే వారిని సంప్రదించి సమయం ఖరారు చేసుకోవాల్సి వస్తోంది. ఒకే రోజు పలు కార్యక్రమాలు ఉన్నప్పుడు అందరికీ నిర్ణీత సమయంలో సేవలు అందించడం పురోహితులకూ కష్టంగా మారుతోంది.
గతంలో కుటుంబ వారసత్వంగా పురోహిత వృత్తిని కొనసాగించే సంప్రదాయం ఉండేదని స్థానికులు చెబుతున్నారు. ప్రస్తుతం యువత విద్య, ఉద్యోగాల వైపు మొగ్గుచూపుతుండటంతో ఈ వృత్తిలోకి కొత్తవారు రావడం తగ్గిందని పేర్కొంటున్నారు. ఇదే పరిస్థితి కొనసాగితే రాబోయే రోజుల్లో పురోహితుల కొరత మరింత తీవ్రమయ్యే అవకాశం ఉందని ఆందోళన వ్యక్తం చేస్తున్నారు.
శిక్షణ, ప్రోత్సాహం అవసరం
పురోహితుల కొరతను అధిగమించేందుకు యువతకు వేద, ఆగమ విద్యలో శిక్షణ అందించాలని భక్తులు కోరుతున్నారు. ఈ వృత్తిలోకి వచ్చే వారికి ప్రోత్సాహం కల్పించడంతోపాటు సమీప ప్రాంతాల్లోని పురోహితులతో సమన్వయం చేసుకునే వ్యవస్థను ఏర్పాటు చేయాలని సూచిస్తున్నారు. తద్వారా పూజా కార్యక్రమాలకు ఆటంకాలు తగ్గి ప్రజలకు సకాలంలో సేవలు అందే అవకాశం ఉంటుందని అభిప్రాయపడుతున్నారు.
Read Today's Latest Khammam News in Telugu and Telugu News
RELATED ARTICLES
తాజా వార్తలు
Congress Leaders Attack | ఫేస్బుక్ మెటా ఆఫీస్ పై కాంగ్రెస్ నాయకుల దాడి
Hyderabad | నీటి ట్యాంకు నుంచి వృథాగా పోతున్న తాగునీరు..
Enugula Rakesh Reddy | యూత్ డిక్లరేషన్ పేరుతో యువతను మోసం చేసిన కాంగ్రెస్ : ఏనుగుల రాకేష్రెడ్డి
Road Accident | ఆటో బోల్తా..ఐదుగురికి గాయాలు
Sensational Comments | రేవంత్ రెడ్డిపై సంచలన వ్యాఖ్యలు.. సోనియాగాంధీకి సీనియర్ నాయకుడు లేఖ
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

