రాష్ట్రావతరణ వేడుకలకు కలెక్టరేట్‌ ముస్తాబు

రాష్ట్ర అవతరణ వేడుకలకు సమీకృత జిల్లా కార్యాలయాల సముదాయంలో ఏర్పాట్లను అధికారులు పూర్తి చేశారు. తెలంగాణ రాష్ట్రం ఏర్పడి 2024, జూన్‌ 2 నాటికి పదేళ్లు పూర్తి చేసుకున్న సందర్భంగా వేడుకలు నిర్వహించేందుకు అధికార యంత్రాంగం సమాయత్తమైంది.

మామిళ్లగూడెం, జూన్‌ 1 : రాష్ట్ర అవతరణ వేడుకలకు సమీకృత జిల్లా కార్యాలయాల సముదాయంలో ఏర్పాట్లను అధికారులు పూర్తి చేశారు. తెలంగాణ రాష్ట్రం ఏర్పడి 2024, జూన్‌ 2 నాటికి పదేళ్లు పూర్తి చేసుకున్న సందర్భంగా వేడుకలు నిర్వహించేందుకు అధికార యంత్రాంగం సమాయత్తమైంది. కలెక్టర్‌ కార్యాలయ ఆవరణలో ఆదివారం ఉదయం 9 గంటలకు కలెక్టర్‌ వీపీ గౌతమ్‌ జాతీయ జెండా ఆవిష్కరించనున్నారు. పోలీస్‌ శాఖ ఆధ్వర్యంలో ఏర్పాటు చేసిన గౌరవ వందనం స్వీకరించిన తర్వాత కలెక్టర్‌.. పదేళ్లలో జిల్లాలో సాధించిన అభివృద్ధిపై ప్రసంగించనున్నారు. రాష్ట్ర అవతరణ దశాబ్ది సంబురాలకు జిల్లా అధికార యంత్రాంగం, ప్రజలు అధిక సంఖ్యలో పాల్గొనాలని సంబంధిత శాఖల అధికారులు కోరారు.