కృష్ణసాగర్‌లో జన జాతీయ గౌరవ దీవస్ పక్షోత్సవాలు

బూర్గంపహాడ్ మండల పరిధిలోని కృష్ణసాగర్ పంచాయతీలో భగవాన్ బిర్సా ముండా జయంతి సందర్భంగా బుధవారం జన జాతీయ గౌరవ దీవస్ పక్షోత్సవాల అవగాహన సదస్సు నిర్వహించారు. ఈ సదస్సులో సర్పంచ్ తాటి వాణి పాల్గొని గిరిజన...

బూర్గంపహాడ్, నవంబర్ 04 : బూర్గంపహాడ్ మండల పరిధిలోని కృష్ణసాగర్ పంచాయతీలో భగవాన్ బిర్సా ముండా జయంతి సందర్భంగా బుధవారం జన జాతీయ గౌరవ దీవస్ పక్షోత్సవాల అవగాహన సదస్సు నిర్వహించారు. ఈ సదస్సులో సర్పంచ్ తాటి వాణి పాల్గొని గిరిజన స్వాతంత్య్ర సమరయోధుడు భగవాన్ బిర్సాముండా సేవలు, ఆదివాసీ హక్కుల కోసం ఆయన చేసిన పోరాటాన్ని గుర్తు చేశారు. ఈ సందర్భంగా గిరిజన సంస్కృతి, సంప్రదాయాలు, ఆచార వ్యవహారాలను కాపాడుకోవాలని, గిరిజన మహనీయుల చరిత్రను బావితరాలకు చాటిచెప్పాలని సూచించారు. జల్, జంగిల్, జమీన్ హక్కుల కోసం పోరాడిన మహనీయుల ఆశయాలను ప్రతిఒక్కరూ స్ఫూర్తిగా తీసుకోవాలన్నారు. ఈ కార్యక్రమంలో పంచాయతీ కార్యదర్శి నాగిరెడ్డి, ప‌లువురు గ్రామస్థులు పాల్గొన్నారు.