ములకలపల్లి మండలంలో అతి భారీ వ‌ర్షం

భద్రాద్రి కొత్తగూడెం జిల్లా ములకలపల్లి మండలంలో బుధవారం అత్యధికంగా 238.2 మిలీమీటర్ల వర్షపాతం నమోదైంది. భారీ వర్షానికి తాళ్ల‌పాయ పంచాయతీలోని సనరత్ చెరువు అలుగు పొంగిపొర్లడంతో గ్రామంలోని ప్రాథ‌మిక పాఠశాలతో పాటు...

ములకలపల్లి, న‌వంబ‌ర్ 04 : భద్రాద్రి కొత్తగూడెం జిల్లా ములకలపల్లి మండలంలో బుధవారం అత్యధికంగా 238.2 మిలీమీటర్ల వర్షపాతం నమోదైంది. భారీ వర్షానికి తాళ్ల‌పాయ పంచాయతీలోని సనరత్ చెరువు అలుగు పొంగిపొర్లడంతో గ్రామంలోని ప్రాథ‌మిక పాఠశాలతో పాటు, 20 డబుల్ బెడ్ రూం ఇండ్లు నీట మునిగాయి. భారీ వరదలకు పాల్వంచ, దమ్మపేట ప్రధాన రాహదారిపై రాజుపేట వద్ద కూలిన వంతెన స్థానంలో ఏర్పాటు చేసిన తాత్కాలిక రోడ్డు కొట్టుకుపోయి రాకపోకలు నిలిచిపోయాయి. ఎడతెరపి లేకుండా కుండపోతగా కురుస్తున్న వర్షాలకు వందలాది ఎకరాల్లో పంటలు నీట మునిగి రైతులకు భారీ నష్టం వాటిల్లింది.