భ‌ద్రాచ‌లంలోని ఆల‌యాల సిబ్బందికి నిత్యావ‌స‌రాలు పంపిణీ

భ‌ద్రాద్రి కొత్త‌గూడెం : భ‌ద్రాచ‌లంలోని చిన్న దేవాల‌యాల పూజారుల‌కు, ఇత‌ర సిబ్బందికి జేడీ ఫౌండేష‌న్ శుక్ర‌వారం నిత్యావ‌స‌ర వ‌స్తువుల‌ను పంపిణీ చేసింది. కరోనావైరస్ మహమ్మారి నేపథ్యంలో విధించిన లాక్‌డౌన్ కారణంగా ప్రభావితమైన ఆల‌యాల పూజారులు, సిబ్బంది కుటుంబాలను ఆదుకోవడానికి ఎన్ఆర్ఐ ఇంగ్లాండ్‌కు చెందిన డాక్టర్ విశ్వ నారాయణ ముందుకు వచ్చారని ఫౌండేషన్ కన్వీనర్ కె మురళి మోహన్ కుమార్ తెలిపారు. ఎన్ఆర్ఐ అందించిన సహకారంతో భద్రాచలం బ్రిడ్జి సెంట‌ర్‌లోని చిన్న దేవాలయాల సిబ్బందికి అవసరమైన వ‌స్తువుల‌ను పంపిణీ చేసిన‌ట్లు చెప్పారు. ఈ కార్య‌క్ర‌మంలో ఫౌండేషన్ సభ్యులు హన్సీ, కె నాగ్‌రాజ్‌, యూసుఫ్ మియాన్ పాల్గొన్నారు. ఎన్ఆర్ఐ డాక్టర్ నారాయణకు ఈ సంద‌ర్భంగా వారు కృతజ్ఞతలు తెలిపారు.